Agora en Bueu
Imáxes de actualidade
🗣️🚣👌 O peirao de Bueu acollerá esta fin de semana a X Bandeira de Traineriñas do Concello de Bueu, que se desenvolverá a partir das 16.30 horas, e o domingo, o Campionato Territorial Sur de Traineriñas ás 11.30 horas.
Precisamente, este xoves tivo lugar a rolda de prensa, na que participaron Félix Juncal, alcalde de Bueu, Javier Pazos, dende a directiva do Club do Mar Bueu- Simei, e Juan Zunzunegui, da Federación Galega de Remo.
A fin de semana de remo arrancará o sábado ás 16.30 horas coa bandeira, na que participarán embarcacións de cadete feminina, cadete masculina, xuvenil feminina, xuvenil masculina, absoluta feminina e absoluta masculina. Xa o domingo pola mañá se poderá seguir o Campionato Territorial Sur de Traineriñas no que participan os clubs da provincia de Pontevedra e que servirá de clasificatoria para o Campionato Galego de Traineriñas, que se celebrará a seguinte fin de semana en Cabo da Cruz (Boiro).
Toda a info na nosa web (ligazón na BIO)
May 8
🗣️🌊 A Asociación de Educación Ambiental e do Consumidor (ADEAC) vén de anunciar as bandeiras azuis para os areais e centros de España durante esta tempada estival. Así, o Concello de Bueu consegue este verán catro bandeiras azuis, que van para as praias de Area de Bon, Portomaior, Lagos e Lapamán Este distintivo valora factores como a calidade das augas, a información e educación ambiental, a seguridade, os servizos e as instalacións.
Así mesmo, tamén se revalidan os distintivos de centro azul para o Estaleiro de Purro, na Banda do Río, a Aula da Natureza de Cabo Udra e o Centro de Interpretación de Agrelo.
Tedes a info completa na nosa web (ligazón na BIO)
May 8
🗣️ Volve o IV Festival Artístico Solidario Art for Change
☑️ Bueu volverá ser o escenario este sábado, 10 de maio, do IV Festival Artístico Solidario Art For Change, que promove o IES Johan Carballeira coa colaboración do Concello de Bueu. Precisamente este martes tivo lugar diante do Concello a rolda de prensa na que estiveron Carmen García, concelleira de cultura, Asunción Sóñora e Noelia Lamosa, directora e vicedirectora do IES Johan Carballeira, e representantes doutros centros da vila participantes e anpas.
☑️ Carmen García salientou que “para nós é un pracer seguir colaborando na loxística e organización deste evento que demostra que temos unha mocidade moi activa en Bueu”. Pola súa banda, Noelia Torres, dende o IES Johan Carballeira, volveu poñer de manifesto que “é unha actividade que naceu con vocación colaborativa e na que pode participar toda a xente da vila”.
Tedes toda a información xa na nosa web (ligazón na BIO)
May 6
🐙 Bueu é o mes do polbo 🐙
O Concello de Bueu volve organizar as II Xornadas de Exaltación do Polbo que se estenderán durante este mes de maio e que poñerán en valor o polbo da vila.
Nelas haberá promoción dos pratos elaborados con este cefalópodo en vinte e un locais hostaleiros a través dos que se pretende mostrar que o polbo é un produto moi versátil e que se prepara de moitas e variadas formas.
E ademais, teremos actividades paralelas e unha decoración moi especial por diversos espazos.
Xa a vistes? Que vos parece?
Tedes a info completa na nosa web (ligazón na nosa BIO)
May 6
🐙 Queredes coñecer os espazos polos que se move o polbo?
No marco das II Xornadas de Exaltación do Polbo, dende o Concello de Bueu organizamos 🚶♀️ dúas rutas guiadas nas que explicaremos a historia e os lugares do Polbo de Bueu.
Serán o 10 e o 24 de maio e precísase inscrición previa. Como facela?
☑️ A través do formulario dende a nosa páxina web.
☑️ No teléfono 986390029 (Ext. 2).
☑️ No 2º andar da Casa Consistorial de forma presencial.
May 5
🎶🤩📚 O Concello de Bueu celebra o 17 de maio a XXIV Romaría das Letras Galegas no lugar de Sanamedio, unha proposta renovada que traerá actividades para toda a familia nun enclave único.
Este venres tivo lugar no Concello a rolda de prensa de presentación da programación, na que estiveron Carmen García, concelleira de cultura, mocidade e infancia e normalización lingüística, e algúns colaboradores e participantes no evento.
Tedes a noticia completa na nosa web (ligazón na BIO)
May 2
📲 O Concello de Bueu, a través do departamento de benestar social, ofrece á cidadanía tres cursos inseridos no programa “Reto Dixital” da Deputación Provincial de Pontevedra. Os obradoiros serán o uso da banca móbil e as compras electrónicas, o Sergas, a súa aplicación electrónica e Telea, e as redes sociais.
✍️ Aínda coas datas pendentes de confirmación, van dirixidos a persoas de máis de 50 anos, as cales se poderán inscribir no enderezo electrónico benestarsocial@concellodebueu.gal, con nome e apelidos, data de nacemento e teléfono de contacto.
May 2
🎨🖼️ Convocamos o II Certame de Pintura Otero Baena para artistas noveis, cuxo prazo de presentación de traballos se estende ata o 30 de maio.
Esta semana, Carmen García, concelleira de cultura, presentou o concurso canda a familia do artista e animaron á participación.
Tedes as bases completas na nosa web (ligazón na BIO)
Abr 30
🚣 Chega o XL Campionato Galego de Bateis!
O peirao de Bueu será o escenario dunha das probas do calendario de bateis máis importantes, e onte tivemos a presentación coas autoridades e organismos organizadores.
Esta fin de semana, 19 e 20 de abril, disputarase na vila morracense o XL Campionato Galego de Bateis, no que participarán noventa e seis barcos de clubs do norte e do sur.
Vai ser unha gran festa do remo!
Toda a info na nosa BIO
Abr 16
🚶♀️🌿 Dende o Concello de Bueu e a Asociación A Illa dos Ratos poñemos en marcha o programa de rutas de primavera "Recoñecer Bueu 2025".
☑️ 26 de abril: "Intermareal de Agrelo"
☑️ 11 de maio: "Massó, a orixe"
☑️ 15 de xuño: "Ermelo, o berce do Morrazo".
Toda a info e inscricións (ligazón da nosa BIO)
Abr 15
🗣️ O pasado venres organizamos un coloquio sobre o paso de Castelao pola nosa vila.
Xosé Novas Piñeiro, da Asociación de Amigos de Johan Carballeira, falounos dos principais fitos de Castelao na vila de Bueu. Así no 1932 fixo parada en diferentes mítins do Partido Galeguista en Beluso, Meiro ou Bueu, e nos que participou xunto a outras figuras relevantes como Alexandre Bóveda ou Otero Pedraio.
Nestes actos deixou claro o seu compromiso na loita contra todo tipo de desigualdades así como coa defensa dos dereitos de Galiza, e así se recolle no Bando da Alcaldía que o Concello de Bueu publicou a comezos de ano.
Con esta proposta iniciamos as actividades do Concello polo #AnoCastelao e iremos anunciando máis nos próximos meses.
Abr 14
📢 Estreamos uns buzóns para recoller as suxestións e queixas da veciñanza.
O Concello de Bueu vén de estrear este mes uns buzóns a través dos que se recollerán as suxestións e peticións da cidadanía e que forman parte dun proceso de escoita cidadá para construír un novo proxecto de goberno máis preto das necesidades da veciñanza. Este xoves tivo lugar a presentación pública da proposta no exterior da Biblioteca Municipal Torrente Ballester, nun acto que serviu de posta de longo e que contou coa presenza de Félix Juncal, alcalde da vila, e Isabel Quintás, tenente de alcalde.
Os buzóns van estar dispoñibles en seis instalacións municipais nas que existe gran afluencia de persoas, caso da propia Biblioteca Torrente Ballester, a Praza de Abastos, a Casa do Pobo de Beluso, o Centro Sociocultural de Cela, e os pavillóns Pablo Herbello de Bueu e o de Beluso.
Deixamos toda a info na ligazón da nosa BIO.
Abr 11
