Obradoiros didácticos Museo Massó

O Museo Massó organiza o sábado 10 de maio dous obradoiros didácticos no marco da programación do IV Festival Art For Change. O primeiro deles será ás 17.00 horas e titúlase «Cousas da praia», e nel poderán participar nenos e nenas de 4 a 6 anos. A continuación, ás 18.00 horas terá lugar «Esta ría é un choio» para nenos e nenas de 6 a 10 anos.

As inscricións son gratuítas e deberán facerse a través do enderezo electrónico museo.masso@xunta.gal ou no teléfono 886151101.