Agora en Bueu
Imáxes de actualidade
🤩 📚 Hoxe é o Día do Libro e na Biblioteca Municipal Torrente Ballester de Bueu recibimos a visita dun grupo de persoas da Asociación Juan XXIII de Cangas.
No acto estiveron acompañados de Carmen García, concelleira de cultura, e de Manuel Menduíña, bibliotecario municipal, e puideron coñecer as instalacións e gozar das actividades preparadas con motivo desta efeméride.
Se aínda non pasastes, ata mañá estades a tempo de gozar de citas a cegos cos libros, exposicións de temática local e agasallos literarios.
Abr 23
Celebramos o Día do Libro 📚
👉 O Concello de Bueu organiza esta semana unha serie de actividades para conmemorar o Día do Libro, que se celebra o 23 de abril. A Biblioteca Municipal Torrente Ballester de Bueu e a Biblioteca de Beluso acollerán citas a cegas cos libros, exposicións de temática local e agasallos para persoas usuarias.
👉 Dende este luns xa se pode ver a mostra con libros de autores e autoras locais, unha actividade que ten como obxectivo poñer en valor a literatura bueuesa.
👉 A seguinte das propostas é o préstamo de libros a cegas que van envoltos nun sobre e que as persoas que se acheguen poderán levar como sorpresa, sen saber que se agocha dentro. A iniciativa é unha forma de propoñer lecturas novidosas e sorprender ao lectorado.
👉 E, por último, as persoas que visiten as bibliotecas entre o 22 e o 24 de abril poderán levar un agasallo.
Abr 21
O pasado venres organizamos dende o Concello de Bueu e a Asociación Amigos de Johan Carballeira unha homenaxe a Johan Carballeira no 89º aniversario do seu asasinato.
O acto consistiu nunha ofrenda floral xunto ao monumento e unha charla coas persoas integrantes dos colectivos de memoria histórica da comarca.
Seguimos coas actividades este xoves, 23 de abril, co coloquio “Os concellos do Morrazo na Segunda República (1931-1936)” a cargo de Xosé Novas Piñeiro, e que podederes ver no Centro Social do Mar.
Abr 20
👏 🚶♂️➡️O Concello de Bueu e a Asociación de Parkinson da Provincia de Pontevedra organizaron o pasado sábado a primeira Andaina Solidaria co Parkinson, cun percorrido pola senda do río Bispo.
A ruta arrancará ás 10.30 horas da Casa do Concello e rematou no mesmo lugar onde se leu un manifesto con motivo do Día Mundial do Parkinson para concienciar sobre esta enfermidade neurodexenerativa que afecta a millóns de persoas.
🙏 Dende o Concello queremos agradecer a todas as persoas que participaron, as que camiñaron e as que se solidarizaron. De forma moi especial agredecemos aos supermercados Gadis, Eroski e Froiz da vila que moi xenerosamente nos doaron froita e augas.
Abr 14
🌽 A fin de semana celebrouse en Meiro o XXVI Encontro - Degustación do Millo Corvo organizada pola Asociación Cultural de Meiro e o Concello de Bueu.
A festa, declarada de Interese Turístico de Galicia, contou con múltiples actividades de posta en valor deste apreciado produto. Na contorna da Casa da Aldea de Meiro houbo degustacións, charlas divulgativas e actuacións musicais, ademais da tradicional Ecotaberna.
Vós fostes?
Abr 14
🗣️ Comezamos as obras do novo Parque Urbano Lugrís
✔️ O Concello de Bueu comezou esta semana coas obras do novo Parque Urbano Lugrís, na zona de As Lagoas. Despois da sinatura o luns da acta de replanteo, a empresa adxudicataria Construcciones Castro Figueiro SLU xa arrancou cos traballos na zona, que suporá toda a súa mellora integral e facer realidade un proxecto extraordinario e estratéxico para a vila no que o goberno local leva varios anos traballando.
🅿️ Para tentar paliar o máximo posible as restricións, nesta primeira fase das obras o Concello e a empresa pretenden manter unha parte do aparcadoiro operativa mentres non se avance no pavimentado deste. Así vanse limitar os aparcamentos nunha das marxes do aparcadoiro das Lagoas, xustamente o que se atopa pegado ás lombas. A continuación limitarase tamén o fondo da finca habilitada ao lado do actual skate park para preparar provisionalmente uns campos de petanca mentres duren os traballos.
☝️ Félix Juncal, alcalde da vila, explica que “as obras renovarán todo este centro urbano de Bueu, pero vai haber algunhas molestias para a veciñanza, á que pedimos paciencia porque vai merecer a pena”.
Toda a info na nosa páxina web (ligazón na BIO)
Abr 7
📢🌽 O lugar bueués de Meiro acollerá do 10 ao 12 de abril o XXVI Encontro- Degustación do Millo Corvo, que propoñerá diversas actividades de posta en valor deste apreciado produto. Declarada Festa de Interese Turístico de Galicia, o Encontro, que está organizado pola Asociación Cultural de Meiro e o Concello de Bueu, celebrarase na contorna da Casa da Aldea de Meiro.
🌽 Con motivo da presentación do programa, este mércores tivo lugar a rolda de prensa na que estiveron presentes Félix Juncal, alcalde de Bueu, Silvia Carballo, concelleira de promoción económica e turismo, e integrantes da Asociación Cultural de Meiro.
🌽 Precisamente, o alcalde destacou que “a festa volve á aldea, que é o lugar natural no que naceu, despois da experiencia do ano pasado no centro de Bueu”, e tamén fixo fincapé en que “a festa é un proxecto etnográfico que pon en valor os produtos saudables da terra e potencia o seu consumo”. Pola súa banda, Victoria Martínez, presidenta do colectivo, tamén salientou que “o espazo desta festa é a aldea, posto que o millo corvo cultívase nas leiras, gárdase nos hórreos e móese nos Muíños do Canudo”.
Toda a info na nosa web (ligazón na BIO)
Abr 1
🖼️ 🌊 Hoxe é o Día das Artes Galegas e celebramos a José Suárez, fotógrafo recoñecido pola serie "Mariñeiros".
A corporación municipal de Bueu declarou o 2026 como "Ano José Suárez" e estamos a traballar na organización dunha exposición das fotografías para o mes de xuño.
Aínda non coñecedes a relación deste fotógrafo coa nosa vila? Aquí vola contamos...
Abr 1
👏🚶♂️➡️ O Concello de Bueu e a Asociación de Parkinson da Provincia de Pontevedra organizan, coa colaboración da Facultade de Fisioterapia da Uvigo, o 11 de abril a primeira Andaina Solidaria co Parkinson, na que se proporá un percorrido circular de tres quilómetros pola senda do río Bispo. A ruta arrancará ás 10.30 horas na Casa do Concello e rematará no mesmo lugar onde se lerá un manifesto con motivo do Día Mundial do Parkinson. para concienciar sobre esta enfermidade neurodexenerativa que afecta a millóns de persoas.
Este luns tivo lugar a rolda de prensa de presentación do evento, na que participaron Félix Juncal, alcalde de Bueu, Carmen García, concelleira de cultura, Xosé Leal, edil de facenda, Begoña Cerqueiro, presidenta da Asociación de Parkinson da Provincia de Pontevedra, ademais de Jacobo Sineiro, fisioterapeuta do colectivo e Kaly Fernández, secretaria.
Segundo salientan dende o colectivo, “esta actividade xurdiu con motivo do Día Mundial do Parkinson para visibilizar esta enfermidade, e o obxectivo é continuar en vindeiros anos”.
Toda a info na web (ligazón na BIO)
Mar 30
✍️ Gústavos escribir? Tedes algún poemario? Sodes xornalistas? Dende o Concello de Bueu Dende o Concello de Bueu apostamos pola creación literaria e estamos a buscarvos...
☝️ Convocamos os Premios Johan Carballeira de Poesía e Xornalismo, cuxo prazo de presentación de traballos estará aberto ata o 30 de xuño deste ano, e que contarán cunha dotación económica de 2500 € para ambas categorías amais da publicación no caso do de poesía, tal e como vén sendo habitual, por parte da Editorial Xerais.
Tedes toda a info nas seguintes imaxes e as bases completas na nosa páxina web (ligazón na BIO)
Mar 25
🏃👏 Bueu acollerá este venres, 27 de marzo, unha carreira solidaria a favor de Cáritas Bueu. A iniciativa está organizada polo IES Johan Carballeira e a asociación de nais e pais do centro, e conta coa colaboración do CEIP A Pedra, así como da anpa e do Concello de Bueu.
Precisamente, a pasada semana tivo lugar a presentación da iniciativa nun acto diante da Casa Consistorial no que estiveron Silvia Carballo, concelleira de promoción económica e turismo, ademais de representantes dos colectivos organizadores.
Toda a info na web (ligazón na BIO)
Mar 23
📢 Bueu será o escenario o próximo 9 de maio do Festival Artístico Solidario Talent For Change, que promove o IES Johan Carballeira coa colaboración do Concello de Bueu e dos centros educativos da contorna, e que estará centrado na posta en valor dos nosos talentos e como potencialos, non só para beneficio propio senón tamén para a sociedade.
Precisamente, este martes, o alumnado de 4º da ESO e o profesorado mantiveron unha reunión con Carmen García, concelleira de cultura, mocidade, infancia e normalización lingüística, para expoñer as necesidades de cara a este evento que tivo unha gran acollida en anos anteriores, e que xa se atopa asentado no calendario.
Toda a info na web (ligazón na BIO)
Mar 18
🌊 O Club de Ciencia do IES Johan Carballeira de Bueu visitou o pasado venres, 13 de marzo, o Concello de Bueu para presentar o proxecto “O mar empeza aquí” e buscar a colaboración do consistorio. O alumnado foi recibido no salón de plenos por Félix Juncal, alcalde da vila, e Isabel Quintás, tenente de alcalde e concelleira de ensino, quen lles manifestaron a vontade para “colaborar en todo o que precisen”.
👏 Segundo explicaron os alumnos e alumnas, o obxectivo da campaña é reducir o impacto da contaminación por residuos no mar, tanto o ambiental como o social e económico (praias sucias, perdas de capturas). E iso pretenden conseguilo visualizando o problema de contaminación cotiá para sensibilizará sociedade no seu día a día, a través dunha intervención artística en sumidoiros, con sinais e placas que leven por lema, precisamente “O mar empeza aquí”.
Toda a info na web (ligazón na BIO)
Mar 16
🏆 O Concello de Bueu recibiu este mércores pola tarde ao veciño Abel Moreira Rodríguez, gañador do Campionato de España Poomsae adultos, freestyle e adaptado, que se celebrou en Sevilla o pasado 21 de febreiro. No acto, que tivo lugar no salón de plenos da Casa Consistorial, estiveron presentes o alcalde de Bueu e concelleiros e concelleiras da corporación municipal.
👏 Abel empezou a adestrar na modalidade de taekwondo adaptado en setembro e xa participou no Campionato de España no que colleitou este ouro. Integrante do Club Patiño de Moaña, Abel demostra que querer é poder é que é importante darlle visibilidade ao deporte adaptado, de aí que dende o consistorio se organizara este acto no que se entregou unha placa en lembranza da visita.
Toda a info na web (ligazón na BIO)
Mar 12
📒 O pasado luns comezou na Biblioteca Municipal Torrente Ballester o programa `Protego`, dedicado a formar e promover a parentalidade positiva que organizamos xunto á Asociación Érguete.
✔️ As charlas desenvolveranse todos os luns ata o 15 de xuño en horario de 17 a 18.30 horas.
✔️ Nas sesións explicaranse técnicas de mellora das habilidades educativas: comunicación, establecemento de normas e límites, supervisión, fortalecemento dos vínculos entre nais/pais e fillas/os e clarificación da posición familiar respecto ás conductas problemáticas e de risco.
Mar 11
🏆 ♀️ O Concello de Bueu e a hostalaría da vila organizaron este domingo, 8 de marzo, unha homenaxe ás mulleres cociñeiras bueuesas no marco das ‘IV Xornadas Gastronómicas En Feminino Bueu”, que se celebrou nun salón de plenos ateigado de público e no que se viviu unha gran emoción.
🍲 No acto foron recoñecidas as cociñeiras dos locais Iglesario, Rincón de Cela, A de Ramón, Casa Benito, Loureiro, Casa Quintela, O Farol, Chouzo, Bar playa, A Centoleira Casa María, Fariña, Reloj, Casa Checho, Casa Acuña, Canas e Lubina.
Dende o consistorio entregóuselles un agasallo a cada unha delas elaborado pola Asociación Juan XXIII que une precisamente o labor da cociña coa reivindicación do Día Internacional das Mulleres.
Toda a info na nosa web (ligazón na BIO)
Mar 9
