Agora en Bueu
Imáxes de actualidade
🌈 📚 A Biblioteca Municipal Torrente Ballester de Bueu únese ás celebracións do Día do Orgullo LGBTIQ+ e organiza unha exposición de lecturas diversas para estes días.
Se queredes coñecelas, podedes achegarvos pola biblioteca de luns a venres en horario de 8.00 a 14.00 horas. A mostra estará ata o 10 de xullo.
Jun 29
🧑🎨🌊 O Centro Social do Mar loce na fachada lateral un gran mural da artista portuguesa Mariana Duarte Santos, que reflicte unha das icónicas fotografías de José Suárez e da serie "Mariñeiros".
Os traballos desenvolvéronse dende o xoves ata o sábado e a artista pintou dende unha grúa en altura. Ao remate acompañárona Félix Juncal, alcalde da vila, e os concelleiros Alberto Moital e Carmen García.
Este mural forma parte da programación deseñada polo Concello de Bueu no marco do Ano José Suárez, e que abrangueu todo o mes de xuño.
🫶🫶 Que vos parece? A nós encántanos!
Jun 29
🏊♀️ Cursos de natación na Piscina Municipal de Bueu para este verán.
A Piscina Municipal de Bueu comeza en xullo con diversos cursos de natación, para os que se abren as inscricións este luns 29.
👆 Teremos cursos para bebés e infantís, de iniciación e perfeccionamento e de premamá en diversos horarios. En total serán 110 prazas, polo que aquí vos deixamos a información para que miredes o que máis vos interese e vos apuntedes.
Que vos parece?
Jun 26
🫶 ⚫ O Concello de Bueu uniuse este venres ás mostras de solidariedade polas vítimas dos terremotos de Venezuela. A concentración, que foi convocada pola FEGAMP e a FEMP, tivo lugar diante da Casa Consistorial ás 12 horas e nela estiveron o alcalde, concelleiros e concelleiras, persoal municipal e veciñanza.
Félix Juncal, alcalde da vila, salientou que “a forte vinculación que une a Galicia e Bueu con Venezuela, terra de acollida de miles de galegos e galegas, fainos sentir esta traxedia especialmente próxima, por iso debemos manifestar publicamente o noso pésame ás familias das vítimas e o noso apoio ás persoas afectadas”.
Os terremotos deixan, polo momento, 235 mortos, 4.300 feridos e máis de 250 edificios parcial ou totalmente destruídos. O Ministerio de Exteriores español informou de que hai, polo menos, 80 españois desaparecidos e dous mortos.
Jun 26
🌊 Dende o Concello de Bueu organizamos a pasada semana diversas actividades para poñer en valor o legado do fotógrafo José Suárez e da súa serie "Mariñeiros".
▪️ Xosé Luís Suárez Canal e Manolo Sendón falaron da importancia de "Mariñeiros" na vida e obra do artista; mentres que Xaime Toxo e Arturo Sánchez Cidrás incidiron na función como retrato do mar e das xentes de Bueu. Así mesmo, tamén tivemos ao Colectivo Xurelo cun contacontos infantil sobre Suárez e Olaia Sendón presentou o seu último libro e a intervención artística arredor das fotos da serie.
🖼️ Lembrade que temos aberta a exposición das imaxes de "Mariñeiros" na Sala Amalia Domínguez Búa en horario de luns a sábado de 11 a 13 e de 18 a 20 horas.
Jun 22
💬🏊♀️ APROBADA DEFINITIVAMENTE A ORDENANZA DAS TAXAS DA PISCINA MUNICIPAL DAS LAGOAS
☑️ O Concello de Bueu aproba definitivamente a ordenanza reguladora das taxas por prestación de servizos da Piscina Municipal das Lagoas, despois de que se publicase o anuncio no Boletín Oficial da Provincia de Pontevedra (BOPPO) e de que se aprobase provisionalmente nun pleno extraordinario do mes de abril.
☑️ Isto supón que xa é efectivo o pagamento para o acceso a esta instalación, aínda que xa leva quince días funcionando con normalidade e con máis de 277 persoas inscritas, das que 52 se corresponden con abonos familiares (146 persoas) e 131 individuais. De feito, esta semana xa arrancaron as actividades físico – deportivas dirixidas nas salas do ximnasio e nos próximos días abriranse as inscricións para os cursos de natación.
☑️ Dende o goberno local faise unha valoración moi positiva destes quince días co novo sistema e tamén pola acollida por parte da veciñanza. Así, Félix Juncal, alcalde da vila, visitou as instalacións para aboarse e declarou que “estamos moi satisfeitos de como evolucionan as solicitudes cun número moi importante de persoas inscritas”. Ademais, “nas conversas coas persoas usuarias, a maioría están satisfeitas tanto coa piscina como coas actividades dirixidas, sendo a única queixa que a temperatura da auga está máis alta pero irase adecuando”, refrendou.
Toda a info e ordenanza completa na nosa web (ligazón na BIO)
Jun 19
🏆 Dende o Concello de Bueu queremos dar os parabéns a Abel Rodríguez Moreira.
Este veciño acaba de proclamarse campión na Copa de España de Parataekwondo celebrada en Málaga coa selección galega a fin de semana pasada.
No Concello de Bueu xa recibimos a Abel en marzo con motivo da súa vitoria no Campionato de España Poomsae adultos, freestyle e adaptado.
Jun 17
♟️ A contorna do Estaleiro de Purro acolleu o pasado domingo un torneo escolar de xadrez no que participaron cincuenta e nove nenos e nenas.
A actividade foi organizada polo Club de Xadrez e Libraría Abrente, coa colaboración do Concello e a cafetería Leña Verde.
👏 Vaia exitazo!
Jun 17
☑️ Félix Juncal, alcalde de Bueu, asinou a pasada semana na notaría da vila a cesión gratuíta de tres parcelas á Sociedade de Vivenda Pública Galega (Vipugal), que permitirán a construción de vinte e unha vivendas protexidas na zona de As Lagoas. O rexedor apuntou que “o Concello leva anos con este traballo para poñer a disposición da cidadanía vivendas a prezos asequibles”.
☑️ Este trámite supón a formalización da cesión ao organismo da Xunta de Galicia de tres solares de 1000 m2 situados na rúa Santán (valorados segundo os técnicos en 790.000 euros) e que suporán levar a cabo a primeira promoción de vivenda pública do municipio bueués.
☑️ O Concello de Bueu xa aprobara a comezos do ano 2025 unha modificación na ordenanza reguladora do Imposto de Construcións, Instalacións e Obras (ICIO) que incluía bonificacións do 95% para aqueles proxectos de especial relevancia ou interese social, como é este caso, e que se acordou por unanimidade de todos os grupos do pleno. Posteriormente, adoptouse outro acordo para ceder de maneira gratuíta a Vipugal as tres parcelas, e finalmente aprobouse noutro pleno esa cesión definitiva.
Toda a info na web (ligazón na BIO)
Jun 16
🫶 O Concello de Bueu únese á celebración do Día da Atención Temperá este 16 de xuño, e fai seu o manifesto da Asociación Galega de Atención Temperá (AGAT).
Entre as principais demandas están:
▪️ A comprensión profunda do desenvolvemento infantil e do papel central da vinculación e do afecto en cada unha das súas etapas.
▪️ A disposición permanente para escoitar, dialogar, traballar en equipo, coordinarse e construír redes sociais de apoio.
▪️ O máximo respecto por todas as persoas coas que traballan, sexa cal sexa a súa situación, idade, raza, xénero, cor ou condición.
▪️ A atención e interese polas súas preocupacións e ilusións, así como a consideración constante dos seus tempos, ritmos e decisións.
▪️ A mirada proactiva e sensible cara á riqueza expresiva de tódalas nenas e nenos, á profundidade dos seus xogos e manifestacións.
▪️ O ofrecemento e cultivo dunha relación de confianza, estabilidade e continuidade.
▪️ O coñecemento profundo da realidade social da primeira infancia na contorna onde desenvolven o seu traballo, dos recursos públicos e das prestacións dispoñibles para a súa saúde, educación e coidado.
Tedes o manifesto completo na nosa web (ligazón na BIO)
Jun 16
📢🧑🍼O Concello de Bueu publica o anuncio de persoas admitidas para o programa “Concilia Bueu 2026”, que se desenvolverá do 22 de xuño ao 4 de setembro de 2026.
A efectos de informar sobre a organización e xestión do programa, convócase a aos pais/nais dos/as nenos/as admitidos/as a unha REUNIÓN, que terá lugar O XOVES 18 DE XUÑO DE 2026, ÁS 17.00 HORAS, NO CENTRO SOCIAL DO MAR.
Tedes a info ao completo na nosa web dende hoxe (ligazón na BIO)
Jun 15
🏋️ Actividades dirixidas na Piscina Municipal de Bueu no verán
Xa podemos anunciar as actividades dirixidas e os horarios que teremos na Piscina Municipal de Bueu durante o verán. As inscricións deberán facerse de forma presencial a partir deste luns, 15 de xuño, nas instalacións da piscina.
👁️🗨️ Botádelle unha ollada ás imaxes e ide pensando nas que máis vos interesan, xa que teremos pilates, aquagym, acondicionamento, tonificación, GAP, pilates ou mantemento.
Os cursos de natación comezarán en xullo, e agardamos darvos información nos vindeiros días.
Jun 12
📻 A pasada semana, Félix Juncal, alcalde de Bueu, participou no programa "Hoy por hoy" de Radio Pontevedra Cadena SER que se gravou en directo dende o IES Johan Carballeira.
Aí falou dos proxectos compartidos co centro e doutros para a vila, como o Novo Parque Urbano Lugrís, mellora da contorna urbana en Beluso, proxecto de renovación da rúa Pazos Fontenla, ampliación dos servizos de abastecemento en Cela etc.
Podedes escoitalo na ligazón das historias.
Jun 8
🫶 🌸 As rúas de Bueu luciron este domingo moi coloridas coas alfombras elaboradas pola veciñanza, colectivos e comercio para celebrar a Festa das Alfombras Florais do Corpus 2026.
Esta festa está declarada como de Interese Turístico Galego, e este ano os tapices centráronse moito no artista José Suárez.
Aquí vos deixamos unha pequena mostra en 📸 tedes o álbum completo na nosa páxina de Facebook.
Gustáronvos?
Jun 8
📸 🌊 O Concello de Bueu promove durante todo o mes de xuño un monte de actividades para reivindicar o legado do fotógrafo José Suárez. A inauguración o pasado venres da exposición “Mariñeiros. Bueu, 1936”, organizada conxuntamente co Centro de Estudios Fotográficos na Sala Amalia Domínguez Búa serviu de inicio ao que será o programa de actos, con propostas como contacontos, charlas, coloquios, presentacións de libros e intervencións artísticas.
☑️ A exposición, que se poderá ver ata o 5 de xullo na Sala, está composta por trinta e unha imaxes seleccionadas da serie “Mariñeiros”, a gran maioría realizadas na vila bueuesa. Como destacou a concelleira de cultura, Carmen García “son imaxes que falan de Bueu en primeira persoa, da nosa identidade, da nosa historia e especialmente, das xentes do noso pobo; xente que hoxe nestas fotografías poñen nome ao mar e aos traballos relacionados con el”. Nestas fotografías, tomadas entre os anos 1935 e 1936, obsérvanse escenarios da vila, como praia da Banda do Río ou a de Beluso.
Toda a info na nosa web (ligazón na BIO)
Jun 8
📸 🌸 Dende o Concello de Bueu organizamos nos xardíns da Igrexa de San Martiño unha exposición de fotos antigas da Festa das Alfombras Florais do Corpus.
Podedes vela xa durante toda a fin de semana, de seguro que atopades a xente coñecida.
Jun 5
