Agora en Bueu
Imáxes de actualidade
O #Samaín chegou onte ao Parque Ramal dos Galos 🎃
Que ben o pasamos cos obradoiros de chapas, a cabaza xigante, o contacontos con Caxoto, o roteiro polos comercios e a chocolatada.
Dende o Concello organizamos esta actividade e tamén decoramos o parque de forma terrorífica e máxica para a ocasión.
Aquí un mini resumo en 📷📷
Nov 1
⚫ Dende o Concello de Bueu convocamos este xoves unha concentración silenciosa diante da Casa Consistorial en solidariedade coas persoas falecidas e desaparecidas debido á Dana destes días.
Félix Juncal, alcalde da vila, mostrou a "nosa conmoción" e o "afecto e solidariedade" con todas as persoas das zonas afectadas, principalmente da Comunidad Valenciana, Castela A Mancha e Andalucía.
Ademais, e como se estipula no decreto de hoxe no BOE, as bandeiras ondearán a media asta.
Grazas a todas as persoas que viñestes para mostrar o cariño colectivo da vila de Bueu.
Oct 31
PREPARANDO O SAMAÍN... 🎃👻
☑️ O Concello de Bueu, a través da concellaría de cultura, infancia e mocidade, organizará este xoves, 31 de outubro, unha xornada dedicada á celebración do Samaín, con xogos e actividades diversas para a cativada e as persoas adultas.
☑️ O Parque Ramal dos Galos, ao lado da recentemente habilitada Biblioteca Municipal Torrente Ballester, será o epicentro de todas propostas organizadas co medo e o terror como protagonistas, aínda que con propostas para todas as idades. E para iso, xa dende comezos desta semana se está traballando na ambientación do parque, no que se recreará un cemiterio, haberá meigas e moitas cabazas.
Oct 30
📚🤩 Onte celebramos o Día das Bibliotecas co contacontos "O traxe novo do rei" de @tarabelos_titeres_contacontos, unha proposta organizada polo Concello de Bueu no marco do programa "Outubro de contos" e co financiamento do programa "Ler conta moito" da Xunta de Galicia.
Foi unha proposta moi potente e que contou cun gran éxito de público.
Aquí vos deixamos algunhas fotiños 📸📸
Oct 25
📣🌿 ABERTO O PRAZO DE SOLICITUDE DO MERCADO ECOLÓXICO E ARTESANAL DE BUEU
☑️ O Concello de Bueu celebra o próximo 17 de novembro unha nova edición do Mercado Ecolóxico e Artesanal, que terá lugar na carpa dos Xardíns de Urbano Lugrís – As Lagoas e no que se poderán mercar durante toda a xornada produtos ecolóxicos, gastronómicos e artesanais, ademais de gozar de actividades diversas.
☑️ Dende a concellaría de promoción económica vénse de abrir o prazo para que as persoas e entidades poidan solicitar un posto de venda, procedemento que se estenderá ata o 25 de outubro, e cuxas bases se poden consultar na web municipal.
Tedes a info completa aquí 👇👇
https://concellodebueu.gal/o-concello-de-bueu-celebra-o-17-de-novembro-un-novo-mercado-ecoloxico-e-artesanal-e-abre-o-prazo-de-presentacion-de-solicitudes/
Oct 22
📚 VOLTA Á ACTIVIDADE NA BIBLIOTECA GONZALO TORRENTE BALLESTER
🙌 Xa estamos de novo funcionando na Biblioteca Municipal Torrente Ballester. Que mellor plan para estes días que achegarvos a coñecer o novo espazo rehabilitado?
🤩 O noso persoal bibliotecario estará encantado de atendervos de luns a venres de 10 a 13h e de 16 a 20horas. A maiores da sala de estudo que xa leva funcionando unhas semaniñas, tamén disporedes dunha sala de adulto para ler a prensa ou gozar dunha tranquila lectura.
E non nos esquecemos da sala infantil/xuvenil onde os máis pequenos e pequenas entrarán en contacto cos libros de xeito cómodo e divertido.
Oct 22
🎃👻 SAMAÍN 2024 🎃👻
▶️ O Concello de Bueu, a través da concellaría de cultura e infancia e mocidade, organizará o próximo 31 de outubro unha xornada dedicada á celebración do Samaín, que terá lugar no Parque Ramal dos Galos con xogos e actividades diversas para a cativada e as persoas adultas.
▶️ Precisamente neste espazo presentouse hoxe o evento en rolda de prensa nun acto no que estiveron presentes Carmen García, concelleira de cultura e mocidade e infancia, e algunhas persoas integrantes de colectivos colaboradores, como @asociacionamodino, @libreriaabrente e @costumes_de_cela.
🗒️ Na nosa web tedes toda a info (LIGAZÓN NA BIO)
Oct 21
🧠 XORNADAS `ALZHEIMER DE PRETO` 🧠
☑️ Este martes comezaron as Xornadas "Alzheimer de preto" na Sala Amalia Domínguez Búa, unha actividade de formación sobre alzheimer e outras demencias para persoas coidadoras, familiares, persoas diagnosticadas en fase temperá e público interesado.
☑️ Laura Ogando, concelleira de igualdade e benestar social, participou onte no acto, no que destacou que "é unha boa oportunidade para seguir formándonos e poñendo un pouco de luz na escuridade".
☑️ As xornadas están organizadas pola Federación Atlántica de Asociacións de Familiares de Persoas con Alzheimer e outras Demencias (FADEAL), en colaboración coa Deputación de Pontevedra e o Concello de Bueu, e continúan hoxe entre as 17 e as 19 horas no mesmo espazo.
Oct 16
🤩📚 Este martes a Biblioteca Municipal de Beluso acolleu unha nova actividade do "Outubro de contos". Acompañounos Carmen Domech con “Onde viven os monstros”, unha historia chea de humor e diversión, na que Max crea un mundo imaxinario onde é libre.
Que fermoso é ver as bibliotecas cheas de vida!
Lembrade que seguimos o próximo xoves, 24 de outubro, coincidindo co Día das Bibliotecas, no que poderemos gozar de “O traxe novo do rei” de Tarabelos na Biblioteca Municipal Torrente Ballester.
Oct 16
📚♀️ RECOMENDACIÓNS DA REDE DE BIBLIOTECAS DE BUEU POLO DÍA DAS ESCRITORAS
Este ano o día das escritoras celébrase o este luns, 14 de outubro. Desta iniciativa promovida dende o ano 2016 pola Biblioteca Nacional en colaboración coa Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas; facémonos eco na Rede de Bibliotecas de Bueu.
Enorgullécenos contar que na comparativa de adquisicións de libros asinados por autoras entre o ano 2023/2024 en dúas das bibliotecas, Cela e Bueu, subimos dun 35% a un 44% e dun 36% a un 43% respectivamente. Na biblioteca de Beluso os datos son estables nun 43% nos dous anos pero mostrando que xa leva máis tempo facendo os deberes.
Son datos que poden ter moitas interpretacións, pero nós queremos darlle un enfoque de evolución e aumento da presenza de autoras no noso fondo.
🎬 Por iso acompañamos os datos cun vídeo no que mostramos varias obras punteiras escritas por autoras moi destacables e que, por suposto, vos recomendamos.
Dádelle ao vídeo!
Oct 14
📚🤩 Que ben o pasamos onte na Biblioteca de Cela con Teatro Calavera
Este mércores iniciamos o "Outubro de contos" na Biblioteca Municipal de Cela, onde a cativada e as persoas máis maiores gozamos da obra "Animaladas", con moitos misterios e especies a descubrir nunha natureza salvaxe explorada a través dos contos.
Aquí vos deixamos un resumo en 📸
E lembrade que continuamos a próxima semana na Biblioteca de Beluso.
Oct 10
📣🚶♂️ VIII Cross Cabo Udra
A Asociación por Beluso (ASBEL Beluso), coa colaboración do Concello de Bueu e doutras entidades públicas e privadas, organiza esta fin de semana, 5 e 6 de outubro, o VIII Cross Cabo Udra, un evento deportivo e familiar no que se agarda a participación de 670 persoas.
Con motivo deste evento, hoxe tivo lugar a rolda de prensa na Casa do Pobo de Beluso, nun acto no que participou Félix Juncal, alcalde da vila, e representes das outras administracións e da organización.
Na nosa web contámosvos todos os detalles 👇👇
https://concellodebueu.gal/o-viii-cross-cabo-udra-celebrase-esta-fin-de-semana-con-670-participantes/
Oct 2
📣🌱 ACTIVIDADES MEDIOAMBIENTAIS EN CABO UDRA
☑️ O Concello de Bueu continúa este mes de outubro con novas propostas de actividades medioambientais para todas as idades e que se organizarán na Aula da Natureza de Cabo Udra e na súa contorna.
☑️ O programa conta co financiamento do GALP Ría de Pontevedra e lévase a cabo, ao igual ca en todo o verán, pola Asociación Alados, especializada no coidado da natureza, con obradoiros, rutas, charlas e xornadas didácticas.
Tedes o programa completo no cartel e na nosa web, así que non vos perdades nadiña!!
https://concellodebueu.gal/a-aula-da-natureza-de-cabo-udra-acolle-este-outubro-novas-actividades-medioambientais/
Oct 1
