Agora en Bueu
Imáxes de actualidade
🍄 Onte comezaron as XXV Xornadas Micolóxicas de Bueu, organizadas polo Concello de Bueu e a Agrupación Micolóxica e Naturalista Liboreiro, unha boísima oportunidade para coñecer a Guía "Mixomicetos de Galicia e Norte de Portugal" a cargo de Floro Andrés do Grupo Micolóxico Galego.
Carmen García, concelleira de cultura, interviu no inicio do acto para dar os parabéns ao colectivo micolóxico polos vinte e cinco anos de vida e polas "propostas sempre tan interesantes e das que aprendemos moito sobre este mundo".
☑️ Hoxe será a quenda de Alexandre Mínguez, divulgador e membro do mesmo grupo, quen falará de media ducia de cogomelos que pasaron de comestibles a tóxicos ou sospeitosos. Podedes escoitalo ás 20.30 horas no Centro Social do Mar.
🗞️ Ademais, na entrada do Centro Social tamén tedes unha interesante exposición da historia e dos vixésimo quinto aniversario da asociación.
Nov 20
🌿🍂 Gran éxito no Mercado Ecolóxico e Artesanal deste domingo!!
☑️ A carpa das Lagoas acolleu onte o Mercado Ecolóxico e Artesanal organizado polo Concello de Bueu e no que participaron unha vintena de establecementos que ofreceron diversos produtos relacionados coa artesanía, o comercio xusto, queixos, viños, bixutería e, por suposto, gastronomía.
☑️ Foi unha xornada para compartir en familia, na que tamén tivemos dúas actividades relacionadas coa concienciación medioambiental, como a charla informativa de Asociación Galega de Cooperativas Agroalimentarias (Agaca) ou o obradoiro de elaboración de faroliños con materiais de refugallo impartido por Alados. E non nos esquecemos da actuación de Sr Nilsson.
👆👆 A próxima fin de semana agardámosvos no Mercado de Nadal, do que anunciaremos en breves a programación!
Nov 18
🎨🌊 ESCULTURA DE LUÍS DAVILA EN HOMENAXE AO MAR E ÁS SÚAS XENTES
O pasado sábado, dende o Concello de Bueu organizamos o acto inaugural da escultura do artista local Luís Davila no que se homenaxea ao mar e ás súas xentes.
Esta obra de arte xa forma parte da imaxe dos Xardíns de María Eugenia e olla directamente ao mar, polo que é unha magnífica oportunidade para tirar fotos.
Xa a vistes?
📸 Fotos de Gonzalo Núñez, Faro de Vigo
Nov 14
📣👏 O proxecto “Bandas da Ribeira”, presentado polo estudo Landlab, laboratorio de paisajes SLP e a arquitecta do Porriño María Fandiño Iglesias, resultou gañador do concurso de ideas da Banda do Río, e farase con 20.000 € para a redacción do proxecto que vai definir o futuro deste barrio a nivel arquitectónico e de servizos.
Este martes, 5 de novembro, tivo lugar no salón de plenos da Casa Consistorial un acto público no que se abriron os sobres coa documentación administrativa logo de que o xurado se reunise ao longo das semanas previas para valorar as propostas presentadas e escoller as gañadoras.
Toda a info na web (ligazón na BIO 👆)
Nov 6
O #Samaín chegou onte ao Parque Ramal dos Galos 🎃
Que ben o pasamos cos obradoiros de chapas, a cabaza xigante, o contacontos con Caxoto, o roteiro polos comercios e a chocolatada.
Dende o Concello organizamos esta actividade e tamén decoramos o parque de forma terrorífica e máxica para a ocasión.
Aquí un mini resumo en 📷📷
Nov 1
⚫ Dende o Concello de Bueu convocamos este xoves unha concentración silenciosa diante da Casa Consistorial en solidariedade coas persoas falecidas e desaparecidas debido á Dana destes días.
Félix Juncal, alcalde da vila, mostrou a "nosa conmoción" e o "afecto e solidariedade" con todas as persoas das zonas afectadas, principalmente da Comunidad Valenciana, Castela A Mancha e Andalucía.
Ademais, e como se estipula no decreto de hoxe no BOE, as bandeiras ondearán a media asta.
Grazas a todas as persoas que viñestes para mostrar o cariño colectivo da vila de Bueu.
Oct 31
PREPARANDO O SAMAÍN... 🎃👻
☑️ O Concello de Bueu, a través da concellaría de cultura, infancia e mocidade, organizará este xoves, 31 de outubro, unha xornada dedicada á celebración do Samaín, con xogos e actividades diversas para a cativada e as persoas adultas.
☑️ O Parque Ramal dos Galos, ao lado da recentemente habilitada Biblioteca Municipal Torrente Ballester, será o epicentro de todas propostas organizadas co medo e o terror como protagonistas, aínda que con propostas para todas as idades. E para iso, xa dende comezos desta semana se está traballando na ambientación do parque, no que se recreará un cemiterio, haberá meigas e moitas cabazas.
Oct 30
📚🤩 Onte celebramos o Día das Bibliotecas co contacontos "O traxe novo do rei" de @tarabelos_titeres_contacontos, unha proposta organizada polo Concello de Bueu no marco do programa "Outubro de contos" e co financiamento do programa "Ler conta moito" da Xunta de Galicia.
Foi unha proposta moi potente e que contou cun gran éxito de público.
Aquí vos deixamos algunhas fotiños 📸📸
Oct 25
📣🌿 ABERTO O PRAZO DE SOLICITUDE DO MERCADO ECOLÓXICO E ARTESANAL DE BUEU
☑️ O Concello de Bueu celebra o próximo 17 de novembro unha nova edición do Mercado Ecolóxico e Artesanal, que terá lugar na carpa dos Xardíns de Urbano Lugrís – As Lagoas e no que se poderán mercar durante toda a xornada produtos ecolóxicos, gastronómicos e artesanais, ademais de gozar de actividades diversas.
☑️ Dende a concellaría de promoción económica vénse de abrir o prazo para que as persoas e entidades poidan solicitar un posto de venda, procedemento que se estenderá ata o 25 de outubro, e cuxas bases se poden consultar na web municipal.
Tedes a info completa aquí 👇👇
https://concellodebueu.gal/o-concello-de-bueu-celebra-o-17-de-novembro-un-novo-mercado-ecoloxico-e-artesanal-e-abre-o-prazo-de-presentacion-de-solicitudes/
Oct 22
📚 VOLTA Á ACTIVIDADE NA BIBLIOTECA GONZALO TORRENTE BALLESTER
🙌 Xa estamos de novo funcionando na Biblioteca Municipal Torrente Ballester. Que mellor plan para estes días que achegarvos a coñecer o novo espazo rehabilitado?
🤩 O noso persoal bibliotecario estará encantado de atendervos de luns a venres de 10 a 13h e de 16 a 20horas. A maiores da sala de estudo que xa leva funcionando unhas semaniñas, tamén disporedes dunha sala de adulto para ler a prensa ou gozar dunha tranquila lectura.
E non nos esquecemos da sala infantil/xuvenil onde os máis pequenos e pequenas entrarán en contacto cos libros de xeito cómodo e divertido.
Oct 22
🎃👻 SAMAÍN 2024 🎃👻
▶️ O Concello de Bueu, a través da concellaría de cultura e infancia e mocidade, organizará o próximo 31 de outubro unha xornada dedicada á celebración do Samaín, que terá lugar no Parque Ramal dos Galos con xogos e actividades diversas para a cativada e as persoas adultas.
▶️ Precisamente neste espazo presentouse hoxe o evento en rolda de prensa nun acto no que estiveron presentes Carmen García, concelleira de cultura e mocidade e infancia, e algunhas persoas integrantes de colectivos colaboradores, como @asociacionamodino, @libreriaabrente e @costumes_de_cela.
🗒️ Na nosa web tedes toda a info (LIGAZÓN NA BIO)
Oct 21
🧠 XORNADAS `ALZHEIMER DE PRETO` 🧠
☑️ Este martes comezaron as Xornadas "Alzheimer de preto" na Sala Amalia Domínguez Búa, unha actividade de formación sobre alzheimer e outras demencias para persoas coidadoras, familiares, persoas diagnosticadas en fase temperá e público interesado.
☑️ Laura Ogando, concelleira de igualdade e benestar social, participou onte no acto, no que destacou que "é unha boa oportunidade para seguir formándonos e poñendo un pouco de luz na escuridade".
☑️ As xornadas están organizadas pola Federación Atlántica de Asociacións de Familiares de Persoas con Alzheimer e outras Demencias (FADEAL), en colaboración coa Deputación de Pontevedra e o Concello de Bueu, e continúan hoxe entre as 17 e as 19 horas no mesmo espazo.
Oct 16
