Agora en Bueu
Imáxes de actualidade
😍 En Bueu recibimos a visita do Apalpador, que veu dende as montañas luguesas para desexarnos un bo Nadal e para transmitir valores fermosos.
Visitou a Escola Infantil Galiña Azul e andou polas rúas da vila onde o acompañou a cativada e as persoas máis adultas.
Aquí un breve resumo en 📸📸
Dic 26
📚🎨 O pasado venres, os nenos e nenas do CEIP A Pedra infantil visitaron a Biblioteca Municipal Torrente Ballester de Bueu. Alí puideron coñecer as dependencias da recentemente reformada biblioteca e concretamente da aula infantil, onde realizaron xogos de Nadal.
O noso bibliotecario tamén aproveitou a oportunidade para entregarlles información da biblioteca e unha carta para escribir aos Reis Magos.
Que bonita experiencia que a biblioteca sexa un espazo para compartir entre todas as idades, especialmente as máis miúdas!
Dic 23
🌟🎨 Obradoiros de Nadal
A carpa de As Lagoas acolleu o sábado uns obradoiros de Nadal co artista Tino Resille, no que os nenos e nenas participantes deseñaron obras de arte fermosas e con bos desexos para estas datas.
👉 Hoxe e mañá continúan na carpa os obradoiros, e convidámosvos a participar. O horario é de 11 a 13 horas hoxe, e de 10 a 12 horas mañá!
Dic 23
🎶 Este xoves gozamos na Biblioteca Municipal Torrente Ballester dunha tarde ben fermosa coa Fundación Legar e os seus cantos de #Arrolar, a través dos que se xeraron moitas emocións entre as persoas adultas e as crianzas.
Grazas a todas as persoas que vos animastes a participar e a coñecer máis das cancións de berce e da nosa tradición.
Dic 13
🥳🎉 FESTA- HOMENAXE Á SALA PARAÍSO
Dende o Concello de Bueu estamos traballando nunha proposta moi emocionante e que nos fai moita ilusión!
✨ Este sábado teremos unha festa homenaxe á Sala Paraíso na carpa de As Lagoas a partir das 22 horas.
As concelleiras Silvia Carballo e Carmen García presentaron o evento xunto a Fernando Omil, da familia.
Tedes a info na web (LIGAZÓN NA BIO)
Dic 11
🎶🤩 Que éxito o musical "Unha noite na eira do trigo" de La Oca Band!!
O Centro Social do Mar acolleu onte esta proposta organizada polo Concello de Bueu que se basea no mítico poema de Manuel Curros Enríquez e coñecido popularmente grazas á cantiga de Los Tamara.
Ao longo do audiovisual atopamos historias de tres xeracións con escenas moi emotivas e, por suposto, a música como unión.
Que ledicia que nos acompañarades!
Dic 9
✨🎄 II Concurso de Decoración `Bueu sente o Nadal`
Dende o Concello de Bueu organizamos o II Concurso de Decoración `Bueu sente o Nadal`, no que vos convidamos a participar.
▪️ Repartiranse 1500 € en bonos comercio!
▪️ Categorías: individual, asociacións / comunidades veciñais e comercio / hostalaría
▪️ Prazo de participación: do 9 de decembro ao 7 de xaneiro a través do correo cultura@concellodebueu.gal
📜 Consulta as bases na nosa web: https://concellodebueu.gal/o-concello-de-bueu-convoca-o-ii-concurso-de-decoracion-bueu-sente-o-nadal/
Dic 9
🎄 PROGRAMA DE NADAL 🎄
Hoxe presentamos a programación de Nadal, na que teremos unha ampla variedade de actividades para todos os públicos e en diversos espazos.
☑️ Carmen García, concelleira de cultura, destaca o “peso fundamental dos colectivos” e incide na variedade de propostas.
☑️ Entre as actividades atópanse espectáculos de maxia, contacontos, cinema, actuacións musicais, obradoiros, deporte e moito máis.
☑️ Os máis pequenos e pequenas recibirán as habituais visitas do Apalpador, Papá Noel e os Reis Magos.
☑️ Convócase o II Concurso de Decoración de Nadal no que se repartirán 1.500 euros en varias categorías.
Tedes o programa completo e as bases do concurso de decoración na nosa web (LIGAZÓN NA BIO)
Dic 5
🤩 IV FESTIVAL ARTÍSTICO E SOLIDARIO `ART FOR CHANGE` 🤩
☑️ Bueu volverá ser o escenario o próximo 10 de maio do IV Festival Artístico Solidario Art For Change, que promove o IES Johan Carballeira coa colaboración do Concello de Bueu, tema do proxecto Erasmus+ do centro este curso. Precisamente, este luns, o alumnado de 4º da ESO e o profesorado mantiveron unha reunión con Carmen García, concelleira de cultura, para expoñer as necesidades de cara a este evento que tivo unha gran acollida en anos anteriores, e que xa se atopa asentado no calendario.
☑️ A edil salientou que “é unha experiencia bonita que veñades aquí e que esteades levando a cabo un proceso de participación dende o inicio ao final”.
Dic 2
Que fermosa visita esta mañá no Museo de Pontevedra da exposición de Otero Baena 🌟
Dende o Concello de Bueu organizamos unha saída cultural con autobús para a veciñanza e puidemos coñecer e deleitarnos coa obra artística do pintor bueués José Benito Otero Baena, grazas a Marta Otero, unha das súas fillas.
Aquí unha proba en 📷📷
Nov 30
🏆 RECIBIMENTO SAMUEL BRUN E IAGO ÁLVAREZ, CAMPIÓNS GALEGOS DE LOITA NA MODALIDADE DE GRAPPLING 🏆
O Concello de Bueu organizou este xoves un acto de recibimento a Iago Álvarez Cabodevila e Samuel Brun, integrantes do Club de Loita do Morrazo e que colleitaron éxitos hai unhas semanas no Campionato Galego de Loita, concretamente na modalidade de grappling.
O acto tivo lugar pola tardiña no salón de plenos do Concello, e nel estiveron presentes Félix Juncal, alcalde da vila, e outros concelleiros e concelleiras da corporación, quen lles entregaron aos mozos e equipos técnicos unhas medallas conmemorativas e bandeiras de Bueu.
Parabéns!!
Nov 28
♀️ Seguimos coas actividades polo 25 N, Día Internacional Contra as Violencias Machistas.
O alumnado de 3º da ESO do IES Johan Carballeira acolleu hoxe un obradoiro de Pantallas Amigas no que se falou da violencia de xénero no novo contexto dixital, con especial fincapé na prevención das novas formas de violencia como a ciberviolencia, grooming, sexting...
É moi importante concienciar dende a educación, e por iso seguimos con estas accións nos centros educativos da vila!
Nov 26
