O Concello de Bueu contratará a 28 persoas no marco do Plan de Emprego da Deputación
O Concello de Bueu contratará este ano vinte e oito persoas no marco do Plan provincial de cooperación ás obras e servizos municipais 2019 da Deputación de Pontevedra. Concretamente serán quince peóns de limpeza, catro peóns forestais, un oficial de albañilería, un oficial electricista, un oficial condutor, dous oficiais de xardinería e catro auxiliares administrativos.
As persoas interesadas en ocupar estes postos, deberán estar inscritas no Servizo de Emprego Público de Cangas nas categorías concretas demandadas.
A continuación podedes ver a relación de ocupacións xunto ao código co que as persoas deben estar inscritas no Servizo Público de Emprego. Tal e como xa se fixo o ano pasado, nesta convocatoria poden participar todas as persoas desempregadas, independentemente de que estean ou non percibindo unha prestación por desemprego ou un subsidio. Importante é tamén aclarar que para todas as ocupacións, excepto persoal de limpeza, vaise solicitar experiencia. Ao mesmo tempo, no caso concreto dos auxiliares administrativos, a formación que se demandará será a de ciclo medio en xestión administrativa e/ou ciclo superior en administración e finanzas, e as persoas seleccionadas prestarán apoio na xestión dos departamentos de persoal, intervención, OMIC e emprego.