Skip to content Skip to main navigation Skip to footer

Ruta das Tapas Cinco Estrelas

Evento xa rematado

  • A iniciativa nace como unha colaboración entre a concellaría de promoción económica, o FICBUEU e a Asociación de Hostalaría de Bueu, co obxectivo de unir o cinema coa gastronomía da vila durante a semana do festival
  • No evento participan doce locais hostaleiros da vila que ofrecerán as súas tapas entre o 10 e o 19 de setembro a un custe de 2.50 €

Para os padais máis exquisitos e que gusten da gastronomía, a concellaría de promoción económica de Bueu organiza, en colaboración co FICBUEU,  e a Asociación de Hostalaría da vila, a VI Ruta das Tapas Cinco Estrelas, na que participan un total de doce establecementos que ofrecerán as súas propostas culinarias entre o 10 e o 19 de setembro. A iniciativa naceu hai seis anos co obxectivo de unir o cinema coa gastronomía durante a semana do festival, de aí que todos os pratos leven o nome dunha película.

En total participarán doce locais hostaleiros que ofrecerán os seus petiscos gastronómicos a un custe de 2.50 euros. Poderán degustarse as tapas tanto ao mediodía como pola noite en Buena Vibra, Casa Quintela, Secretos del Mar, A Cepa, O Farol, Casa Benito, A Esmorga, Noite Tapas, Pyramis, Volver, Centro Social do Mar e O Ratiño Pequeno.

Ademais, a clientela terá a posibilidade de gañar un dos tres vales de 50 € para consumir na hostalaría. As persoas que desexen participar neste sorteo deberán completar o selado das cinco estrelas do cupón, ao ir degustando as diferentes propostas, e entregalo no despacho de billetes do festival.

Toda a información sobre os locais participantes, os horarios e as tapas, poderase consultar na web do Concello: https://concellodebueu.gal/ruta-das-tapas-2021/