Roteiros polos montes veciñais

A Comunidade de Montes Veciñais en Man Común (CMVMC) de Beluso retoma os Roteiros polos Montes Veciñais.

As dúas primeiras andainas, de dificultade media-baixa, están programadas para os sábados 9 e 23 de abril ás 17:00h, sempre e cando as condicións meteorolóxicas o permitan.
Esta actividade vai destinada ás comuneiras e aos comuneiros de Beluso así coma á veciñanza de parroquia, co fin de lles dar a coñecer a localización e lindes dos seus montes veciñais, así coma as plantacións e traballos realizados.

Non se precisa inscrición previa. O punto de encontro será o aparcadoiro de Chan de Esqueiros, na entrada a Cabo Udra.
A primeira destas xeiras (sábado 9 de abril) será  para percorrer dende Mourisca os montes de Pedrón, O Poleiro, Udra e a Cabreira.
A segunda xornada (sábado 23 de abril) será  para visitar dende Ancoradouro os montes do Puxo, A Escadiña e o Monte Redondo.