Programa FICBUEU: concerto de Enric Montefusco

O artista barcelonés Enric Montefusco actuará o sábado 7 de setembro ás 22:30 horas no Centro Social do Mar, no marco do FICBUEU 2019. Trátase dunha oportunidade moi especial para gozar da calidade e potencia do seu directo, onde presentará entre outros os temas do seu segundo disco en solitario, Diagonal. O que fora líder da banda de hardcore punk Standstill leva vinte anos sobre os escenarios, nos que a súa busca de novas vías de expresión identifícano coma un dos músicos máis creativos, arriscados e inclasificables do panorama estatal, un artista libérrimo que non coñece fronteiras.

As entradas poderán recollerse no despacho de billetes do Centro Social do Mar de Bueu co resgardo de compra.