Skip to content Skip to main navigation Skip to footer

Presentación libro: «Pel de cordeiro» de Ledicia Costas

A Libraría Miranda organiza o 19 de xuño a presentación do libro Pel de cordeiro, de Ledicia Costas, que terá lugar ás 19.30 horas no Centro Social do Mar e na que estará acompañada da tamén escritora Eva Mejuto.

SINOPSE: Catarina pertence a unha estirpe de bruxas. Herda da súa avoa o oficio e afonda nos segredos das plantas medicinais. Críase nunha consulta demencial, onde acoden enfermos con todo tipo de doenzas. Nos últimos anos da Inquisición, no medio da fame e a miseria, elas son o máis semellante a un doutor que existe en Merlo, pero cunha diferenza: son necesarias pero tamén odiadas. Lola é unha muller do século XXI que atravesa unha crise persoal. Entra en contacto cunhas forzas que non comprende. A ruptura coa súa parella, as súas dúbidas sobre a maternidade e o desbloqueo de recordos que tiña esquecidos provócanlle un colapso. Ledicia Costas afonda no espertar sexual, na violencia e na maxia con grandes doses de fantasía. Unha novela hipnótica, que explora o erotismo e a escuridade e nos envolve nunha atmosfera tan terrible como preciosa.