Presentación libro: «Golpes de luz» de Ledicia Costas

A Libraría Miranda organiza o 7 de novembro a presentación do libro Golpes de Luz de Ledicia Costas. O acto, que terá lugar ás 20.00 horas na Sala Multiusos do Centro Social do Mar, contará tamén coa presenza do director de Xerais, Fran Alonso.

SINOPSE: Xulia é xornalista e acaba de separarse, polo que regresa a Galicia co seu fillo Sebas. O rapaz ten dez anos e está convencido de que a avoa Luz é o deus Thor porque nunca se separa do seu martelo. Malia que agoche polvoróns nas medias, beba Sansón ata ver dobre e diga mentiras sen parar, Sebas adora a súa avoa. Xulia non opina o mesmo. Para ela, volver á casa familiar supón enfrontarse a un pasado cheo de segredos que precisa desvelar. O narcotráfico na Galicia dos anos noventa, o mundo dos coidados e a procura da verdade envolven este melodrama, salvaxe e tenro, habitado por uns personaxes inesquecibles. Despois do éxito de «Infamia», Ledicia Costas regresa, dende o seu talento creativo, con «Golpes de luz», unha novela sorprendente e divertida.