Presentación libro: «Extraordinario» de Antón Lopo

A Sala Amalia Domínguez Búa acolle o sábado 11 de maio, ás 12.00 h, a presentación do libro Extraordinario, de Antón Lopo. No acto estarán presentes a poeta Míriam Ferradáns, e o editor Carlos Lema.

SINOPSE: Premio Narrativa Breve Repsol 2018, Extraordinario é unha novela sobre as relacións familiares e o amor, pero tamén sobre a aprendizaxe de vivir, a identidade, a liberdade e o pracer. A obra comeza cando o protagonista debe axudar a súa irmá nos coidados da nai, unha muller de carácter inestable coa que el rompeu toda relación hay máis de trinta anos,. A viaxe que emprende non é só á cidade da súa infancia e ao hospital, onde operaron a nai dunha rotura de fémur, senón tamén a un pasado que segue sen resolverse. Narrada como os alustros dun faro sobre a escuridade da noite, Extraordinario posúe unha eficacia narrativa asombrosa, con personaxes que se gravarán na nosa memoria en trazos indelebles, ademais de xogos conmovedores de ironía e humor. Quen entre neste libro non poderá saír ata absorber a última palabra.