Mercadiño solidario de verán Cáritas

Un ano máis, Cáritas Bueu organiza un mercadiño solidario de verán, que se desenvolverá do 9 ao 11 de agosto na Sala Amalia Domínguez Búa e que ten por lema “Se queres cambiar o sentido dunha sociedade de valores, acepta a todos por igual sen pedir nada a cambio”. O horario será de 10.00 a 14.00 e de 17.00 a 21.30 horas, e as persoas que se acheguen poderán facerse con produtos de electrónica, roupa, xoguetes, etc, que foron doados por persoas particulares e institucións públicas e privadas.

Esta iniciativa, que xa leva un percorrido de máis de sete anos, ten dous propósitos: obter máis fondos para a atención prestada a un total de cincuenta familias durante todo o ano, e dar a oportunidade de que as persoas bueuesas e visitantes se sintan colaboradoras desta acción social.