FICBUEU: «De Galicia a Hollywood: salto ou esforzado arrastrarse?»

‘De Galicia a Hollywood’. Sábado 8 de setembro – 18:00h. Centro Social do Mar. Entradas

O director Rodrigo Cortés, o escritor Juan Gómez-Jurado e o humorista Arturo González-Campos protagonizarán o show ao vivo ‘De Galicia a Hollywood: salto ou esforzado arrastrarse?’, onde se achegarán á traxectoria do cineasta ourensán, descubrindo os pasos que foi dando no percorrido que comeza cunha Super-8 e chega ata a meca do cine coa aclamada ‘Buried’ (‘Enterrado’). Tamén analizarán as diferenzas entre narrar en breve ou en longo, a través de referencias cinematográficas por todas e todos coñecidas. O humor está garantido neste espectáculo dinámico no que daremos o salto da curta á longa.