FICBUEU: Charla-vermú «A fotografía no cinema, da imaxe imaxinada á realidade realizable»

Domingo 9 – 11:00h. Punto de Encontro.

Lucía Catoira achegará nesta clase maxistral os procesos necesarios para definir o “look” dunha obra cinematográfica desde a área de fotografía. A directora de fotografía revelará algunhas das claves á hora de afrontar cada novo traballo, así como a súa relación con outros departamentos, a importancia da localización ou as posibilidades que ofrece a posprodución. Considerada un dos grandes valores do audiovisual galego, Lucía Catoira vén de traballar en recoñecidos títulos como Matria, Dhogs ou Trote.