FICBUEU: Café con CREA

Café con CREA. Sábado 8 de setembro – 16:30h. Punto de Encontro.

O Punto de Encontro do FICBUEU, ubicado na sala de exposicións Amalia Domínguez Búa, será o escenario da xuntanza con membros da Asociación de Profesionais da Dirección e Realización de Galicia (CREA). Arredor dun café, xentileza de Galicia Calidade, membros da asociación, cineastas internacionais e mais as directoras e directores galegos que presentarán os seus filmes no FICBUEU, participarán nun coloquio aberto ao público onde compartirán experiencias e conversarán sobre a industria cinematográfica.