Skip to content Skip to main navigation Skip to footer

Espazo Convida 21: actuación «Os Carunchos»

Evento xa rematado

O Concello de Bueu presenta por segundo ano consecutivo o programa de actividades do ‘Espazo Convida 21’, que ofrecerá durante os meses de xullo e agosto diversas alternativas de ocio e cultura para a rapazada e as familias.

Así, o venres 6 de agosto, o Parque de Sanamedio acollerá a partir das 21.30 horas o concerto de Os Carunchos, un grupo de tradición oral que combina as cantigas e melodías de nova composición, mesturados con antigos romances e pezas populares.

Ao igual ca o ano pasado, o Concello establecerá medidas para cumprir con todos os protocolos Covid-19 da Xunta de Galicia e facer que a cultura poida gozarse en espazos seguros, de aí que se aposte polos lugares ao aire libre. Así mesmo, controlarase o aforo e levarase a cabo a desinfección de todas as cadeiras, que estarán perfectamente separadas e limpas, e tamén se recomenda que a cidadanía se inscriba previamente a través dos formularios habilitados na páxina web www.concellodebueu.gal.