Espazo Convida 2022: Rilo & Penadique – Asdomare

O Concello de Bueu organiza este verán o Espazo Convida, un programa ateigado de actividades para todos os públicos e en diversos espazos, que ten como obxectivo achegar as diversas manifestacións culturais á cidadanía.

O xoves 14 de xullo, o exterior do Centro Social do Mar acollerá ás 21.30 horas o espectáculo «Asdomare» a cargo de Rilo & Penadique.

SINOPSE: Este espectáculo acaba de saír da fábrica en pleno confinamento e quere darlle continuidade a O Pozo das Señoras. ASDOMARE son as mulleres do mar, ou o mar de mulleres. É a senda dos faros que alumean A Maruxaina, A pedra do cu da raíña, Os cantos das conserveiras… Todo o que o mar quita, todo o que o mar deixa.