Espazo Convida 2021: Mago Teto

O Concello de Bueu presenta por segundo ano consecutivo o programa de actividades do ‘Espazo Convida 21’, que ofrecerá durante os meses de xullo e agosto diversas alternativas de ocio e cultura para a rapazada e as familias.

Así,  o martes 20 de xullo, a Casa da Aldea de Meiro acollerá a partir das 21.30 horas un espectáculo de maxia co Mago Teto, un dos máis veteráns e relevantes da xeografía galega, autor de espectáculos de rúa como «O Afiador» e doutros de gran formato para teatros como «A Maxia da Santa Compaña», e clásicos como «Tolemaxias» ou «Perto de ti».

Ao igual ca o ano pasado, o Concello establecerá medidas para cumprir con todos os protocolos Covid-19 da Xunta de Galicia e facer que a cultura poida gozarse en espazos seguros, de aí que se aposte polos lugares ao aire libre. Así mesmo, controlarase o aforo e levarase a cabo a desinfección de todas as cadeiras, que estarán perfectamente separadas e limpas, e tamén se recomenda que a cidadanía se inscriba previamente a través dos formularios habilitados na páxina web www.concellodebueu.gal.