Espazo cinema: «La tortuga roja»

O Concello de Bueu presenta o programa ‘Bueu Convida’, unha iniciativa de cinema na rúa que se poñerá en marcha varios días do mes de xullo ás 22.30 h na Praza Massó, e que busca achegar títulos para o público familiar. Dende a concellaría de cultura apóstase por esta actividade, moi demandada entre a cidadanía e que xa forma parte do calendario estival. Iso si, este ano adaptaranse as medidas de seguridade e hixiene por mor da Covid-19.

O 13 de xullo proxectarase La tortuga roja, unha historia muda sobre un náufrago nunha illa tropical deserta, poboada de tartarugas, caranguexos e aves.