Skip to content Skip to main navigation Skip to footer

Clases de zumba na piscina

Evento xa rematado

  • Susy Alonso Figueroa será a encargada de impartir estas sesións do luns ao mércores da próxima semana, e para as que se require de inscrición previa

A concellaría de deportes de Bueu pon en marcha de novo unha serie de clases de zumba gratuítas, que se levarán a cabo na piscina municipal das Lagoas. As clases serán o luns e o mércores ás 19.30 e 20.30 horas, e o martes, ás 10.00 e 11.00 horas.

Este programa, que leva por nome “Zúmballe á Semana Santa”, ten como obxectivo continuar coa promoción de hábitos saudables entre a cidadanía, e será impartido por Susy Alonso Figueroa. As persoas que desexen participar poderán inscribirse para cada día nas instalacións da piscina ou chamando ao 986138689 no seu horario de apertura: de luns a venres de 9 a 12 horas e de 17 a 21 horas, e os sábados, de 9 a 12 horas.

Ricardo Verde, concelleiro de deportes, salienta que “é importante propoñer actividades que combinen o deporte coa saúde, ao tempo que son alternativas de lecer”.