Charla primeiros auxilios pediátricos

A Anpa Alborada do Colexio Virxe Milagrosa organiza o 4 de febreiro unha charla de primeiros auxilios pediátricos, que terá lugar no Centro Social do Mar ás 17.30 horas.

A sesión será impartida por Emilio Aguete Gómez, Xefe do Parque do Servicio de Prevención, extinción de incendios e Salvamento do Concello de Maceda e Técnico de Emerxencias Sanitarias con experiencia no servizo de Urxencias sanitarias do 061 de Galicia.

As persoas asistentes poderán aprender sobre prevención de riscos, procedementos ante unha emerxencia, Soporte Vital Básico, atragantamentos, traumatismos e golpes, convulsións e intoxicacións.