Bueu acolle esta fin de semana o Campionato Provincial de Bateis
- No evento, que se desenvolverá o sábado e o domingo pola mañá, participan os clubs da provincia de Pontevedra nas diversas categorías
- O percorrido sairá do peirao de Bueu cara a zona da Robaleira, variando as distancias segundo as categorías
A vila de Bueu vivirá unha fin de semana intensa de remo co Campionato Provincial de Bateis que se celebra o sábado e o domingo pola mañá. Agárdase a participación dun total de 75 barcos pertencentes a 14 clubs, polo que será unha gran festa con preto de cincocentos deportistas. Así se anunciou na rolda de prensa celebrada este xoves, na que estiveron presentes Ricardo Verde, concelleiro de deportes, Silvia Carballo, concelleira de promoción económica e turismo, Carmen García, concelleira de cultura, Juan Zunzunegui, director técnico da Federación Galega de Remo, e Valente Campos e Javier Pazos, integrantes da directiva do Club do Mar Bueu- Simei.
O sábado terán lugar as regatas eliminatorias que se poderán seguir a partir das 11 horas no peirao da vila, e xa o domingo, á mesma hora disputaranse as finais. A proba, que servirá de clasificatoria para o Campionato Galego de Bateis, que será ao seguinte fin de semana na Pobra do Caramiñal, de onde sairán á súa vez os finalistas para o Campionato Estatal de Bateis. O percorrido comezarán no peirao de Bueu e dirixirase á praia da Robaleira, e as distancias variarán segundo as categorías, que son Alevín Feminina, Infantil Feminina, Cadete Feminina, Xuvenil Feminina, Sub’23 Feminina e Absoluta Feminina; e Alevín Masculino, Infantil Masculino, Cadete Masculino, Xuvenil Masculino, Sub’23 Masculino e Absoluta Masculino.
Clubs participantes
Os clubs que participan na regata son: Amegrove Club de Remo (Sub23 Masculino e xuvenil masculino), Círculo Deportivo Cultural Cesantes (alevín masculino, infantil masculino, cadete masculino, Sub23 masculino, absoluto masculino, e absoluto feminino), Club de Remo Mecos (alevín masculino, infantil masculino, cadete masculino, sub23 masculino, absoluto masculino, alevín feminino, infantil feminino, cadete feminino, xuvenil feminino e absoluto feminino), Club de Remo Vila de Cangas (alevín masculino, infantil masculino, infantil feminino, cadete feminino), Club de Remo Virxe da Guía (alevín masculino, infantil masculino, cadete masculino, absoluto masculino, cadete feminino), Club do Mar Bueu (alevín masculino, infantil masculino, cadete masculino, xuvenil masculino, Sub23 masculino, absoluto masculino, alevín feminino, cadete feminino, xuvenil feminino, Sub23 feminino), Club Remo Chapela (alevín masculino, infantil masculino, cadete masculino, xuvenil masculino, Sub23 masculino, absoluto masculino, infantil feminino, cadete feminino, xuvenil feminino, xuvenil feminino, Sub23 feminino e absoluto feminino), Club Remo Coruxo (xuvenil masculino), Club Remo Meira (infantil masculino), Club Remo Moaña (absoluto masculino), Club Remo Robaleira (alevín masculino, cadete masculino, infantil masculino, xuvenil feminino, absoluto feminino), Club Remo Vilaxoán (absoluto feminino, Sub23 feminino), S.D Samertolameu (alevín masculino, infantil masculino, cadete masculino, cadete masculino, Sub23 masculino, absoluto masculino, alevín feminino, infantil feminino, infantil feminino, cadete feminino, xuvenil feminino), S.D. Tirán (alevín masculino, infantil masculino, cadete masculino, xuvenil masculino, absoluto masculino, alevín feminino, infantil feminino, absoluto feminino).
