Proxección Cineclub Bueu: «Dalva»

O Cineclub Bueu organiza o 29 de novembro a proxección de «Dalva» de Emmanuelle Nicot, que se poderá ver ás 21 horas no Centro Social do Mar. A entrada será DE BALDE ata completar aforo.

SINOPSE: Aínda que Dalva ten 12 anos, vístese, maquíllase e vive coma unha muller. Unha noite, de súpeto lévana da casa familiar. Atónita e indignada ao comezo, logo coñece a Jayden, un traballador social, e a Samia, unha adolescente con mal xenio. Unha nova vida parece comezar para Dalva, a dunha nena da súa idade.