Presentación libro: «As receitas de a voltas co prato»

A Libraría Miranda organiza o luns 16 de decembro a presentación do libro As receitas de a voltas co prato. O acto terá lugar ás 19 horas na Biblioteca Municipal Torrente Ballester e nel intervirán Merchi Rodal, cociñeira do programa da TVG «A voltas co prato», e María Pereira, directora de Merlín Comunicación da Editorial Galaxia.

SINOPSE:

Begoña, Estefanía, Merchi e Xulio forman un equipo sen igual!

Reunidos ao redor dunha gran cociña, foi como xurdiu este libro que vos ofrecemos, cociñando e probando, algo espeluxados, como auténticos exploradores da gastronomía na procura do sabor definitivo.

Este é o resultado dun amoroso cociñado en grupo, un belisco da nosa pequena gran vida sendo parte do programa da TVG A voltas co prato.