Máscaras no Pombal Gallery

As máscaras son o punto de encontro entre as recentes liñas de traballo de James Wright e Thomas Apostolou. Por iso se inaugurará no Pombal Gallery o 7 de febreiro ás 20.00 horas unha exposición que exemplifica como a fascinación históricamente e culturalmente ubicua, polas máscaras, se reflicte en dúas prácticas artísticas diversas. O concepto de máscara, neste contexto, vai máis aló de cubrir o rostro ou disfrazar. As obras aluden a unha comprensión das máscaras como obxectos independentes, só vagamente relacionados coas formas anatómicas humanas. Traballando de forma fluída entre dúas e tres dimensións, os artistas propoñen o acto de enmascarar como un proceso de cubrir superficies ou incluso camuflar. A máscara, neste caso, convértese nunha metáfora do tratamento da superficie, o material e a forma.