Espectáculo «Pipí Cucú» de Assircópatas

O Concello de Bueu organiza o 23 de decembro o espectáculo «Pipí Cucú» da compañía Assircópatas, do que se poderá gozar a partir das 19.00 horas no Centro Social do Mar.

No reino de Ceópole, o malvado rei Amarradismundo escribe leis terribles cunha pluma de corvo, que prohiben as festas de aniversario, o recreo, os domingos… ata prohibe o salouco.

Para que a xente non soñe, o rei decide acabar cos soños e encarga unhas almofadas que, coa súa maxia, enchen as noites de pesadelos. Non sabe que está a punto de desatar unha revolución. Porque vivir sen soñar… Acaso paga a pena?