A Biblioteca de… Salvador Rodríguez

O Concello de Bueu, a través da concellaría de arquivo e bibliotecas, organizará dende xaneiro a abril un ciclo de charlas no que catro bueueses e bueuesas vinculadas ao mundo dos libros falarán das súas bibliotecas persoais. As charlas desenvolveranse todos os martes cada mes ás 20.30 horas na Sala Multiusos do Centro Social do Mar, e servirán para que estas persoas conversen arredor da súa experiencia lectora, da descuberta da lectura e desvelen algúns dos títulos que marcaron a súa biografía.

A primeira sesión será o 24 de xaneiro e correrá a cargo de Salvador Rodríguez, escritor e xornalista do Faro de Vigo especializado en cultura.