Universo de contos: «O peixe arcovella», «Pezqueñín, el pequeño aventurero», «Daniela pirata» e «El caracol y la ballena»

O 17 de xullo desenvolverase a primeira sesión de «Universo de contos» organizado pola Libraría Abrente coa colaboración do Concello de Bueu. A partir das 12 horas, na explanada da Banda do Río, os máis pequenos e pequenas poderán escoitar os contos O peixe arcovella, Pezqueñín, el pequeño aventurero, Daniela pirata e El caracol y la ballena.

O programa «Universo de contos» está deseñado especialmente para o público infantil, co obxectivo de fomentar a paixón pola lectura desde unha idade temperá. A través da lectura n voz alta e a exploración de temas relevantes, búscase entreter aos nenos e nenas e inspiralos, facer voar a súa imaxinación e axudalos a comprender a importancia das relacións sociais respectuosas e coidado do medio ambiente.

Durante catro sesións temáticas, a cativada descubrirá os tesouros da literatura que celebran valores como a amizade, as emocionantes aventuras, a inmensidade do mar e a importancia do coidado do noso planeta.