Desfile do Enterriño da Sardiña

O mércores 14 de febreiro será o Desfile do Enterriño da Sardiña no que participarán os colectivos infantís da vila e as asociacións de nais e pais. Debido ao éxito do pasado ano, o desfile estará acompañado por unha sardiña xigante elaborada con globos da man de Barafunda.

O desfile sairá ás 17.00 h dende a rúa Eduardo Vincenti e atravesará as rúas Montero Ríos, Rosalía de Castro, Pazos Fontenla, Johan Carballeira e remate na carpa de As Lagoas.