Espazo Convida 21: proxección «Guardianes de la galaxia»

O Concello de Bueu presenta por segundo ano consecutivo o programa de actividades do ‘Espazo Convida 21’, que ofrecerá durante os meses de xullo e agosto diversas alternativas de ocio e cultura para a rapazada e as familias.

Así,  o mércores 4 de agosto, o Parque de Sanamedio acollerá a partir das 22.00 horas a proxección do filme «Guardianes de la galaxia«, de James Gunn.  A historia parte de Peter Quill, un aventureiro temerario que é obxecto dun implacable casarrecompensas despois de roubar unha misteriosa esfera cobizada por Ronan, un poderoso villano cuxa ambición ameaza todo o o universo.

Ao igual ca o ano pasado, o Concello establecerá medidas para cumprir con todos os protocolos Covid-19 da Xunta de Galicia e facer que a cultura poida gozarse en espazos seguros, de aí que se aposte polos lugares ao aire libre. Así mesmo, controlarase o aforo e levarase a cabo a desinfección de todas as cadeiras, que estarán perfectamente separadas e limpas, e tamén se recomenda que a cidadanía se inscriba previamente a través dos formularios habilitados na páxina web www.concellodebueu.gal.