O Concello de Bueu celebrou este domingo o Desfile do Enterro do Paxaro de Mal Agoiro

O Concello de Bueu organizou este domingo, 22 de febreiro, o desfile do Enterro do Paxaro de Mal Agoiro, co que se pon remate ao Entroido na vila. Cunha tarde de sol, a comitiva saíu ás 17.00 h da rúa Montero Ríos, pasando polas rúas Francisco Escáneo, Pazos Fontenla, Castelao e culminando na praia da Banda do Río coa queima do paxaro, elaborado para esta ocasión, como en anos anteriores, polo artista local Tino Resille.

No desfile participaron unha vintena de colectivos e persoas, e o xurado estivo conformado por Belarmino Barreiro, en representación do Concello de Bueu, Alberto Moital, concelleiro do BNG, Isabel Quintás, concelleira do PSOE e tenente de alcalde, Elena Estévez, concelleira do PP, María Dolores Docampo, da Asociación Veciñal da Banda do Río, e Emilio Dopazo, da ADFS Bueu.

Os premios foron os seguintes:

Individuais

1º premio, 80 €: Sandra Pérez Souto

2º premio, 50 €: Manuel Pérez Rodríguez

Parellas

1º premio, 80 €: A pulpeira mía

2º premio, 50 €: Eco Glam

Agrupacións de entre 3 e 15 compoñentes

1º premio, 100 €: Mercanorte

2º premio, 80 €: La plaga

Agrupacións de máis de 15 compoñentes

1º premio, 250 €: As toxiñas

2º premio, 175 €: O gran circo familiar

3º premio, 100 €: Club do Mar Bueu

Comparsas de Bueu

1º premio, 150 €: Os do pinsel

2º premio, 100 €: Asociación Tinta Femia

3º premio, 75 €: As Faltriqueiras

4º premio, 50 €: Os Kantaclaro

Anpas da vila

1º premio, 150 €: Anpa Cabo Udra

2º premio, 100 €: Anpa Torre Cela

3º premio, 75 €: Anpa A Pedra

4º premio, 50 €: Anpa Pichirilo