Verán na rúa: «Máis saaabor!»

O 27 de agosto a Praza Massó acollerá ás 21 horas o espectáculo “Máis saaabor!”, unha proposta cómica para público infantil e familiar en torno ao mundo da gastronomía e a alimentación saudable. Nela mestúrase música en directo, maxia, humor, moito ritmo e participación do público. Félix Rodríguez e Fran Rei convértense de novo en dous recoñecidos chefs que ofrecen un gorentoso, equilibrado e, sobre todo, ben afinado menú: unha comida moi musical para toda a familia.

Esta actividade está organizada polo Concello de Bueu no marco do programa «Verán na rúa».