Verán na rúa: Henriko- Circo Cambuche

O Concello de Bueu, a través da concellaría de cultura, organiza este mes de agosto o ‘Verán na rúa’, un proxecto con espectáculos para a cativada que incluirá diversas disciplinas como monicreques ou malabares.

As actividades de espectáculos desenvolveranse todos os martes de agosto a partir das 20.30 horas na Praza Massó. O obxectivo é ofrecer alternativas de lecer para os pequenos e pequenas e para compartir en familia durante o verán.

O 26 de agosto poderase gozar de Henriko e o “Circo Cambuche” no que se recupera en clave de traxicomedia, a historia dun antigo circo do século pasado, O Circo Cambuche.