Proxección Cineclub: «A vida de bohemia»

O Cineclub Bueu proxectará o 24 de outubro «A vida de bohemia» de Aki Kaurismäki, que se poderá ver ás 21.00 horas no Centro Social do Mar. A entrada será de balde para persoas socias e de 2.00 € para as non socias.

SINOPSE: Narra a amizade e desventuras de tres artistas curiosos e sen diñeiro no París bohemio. Marcel, un escritor sen traballo que se dedica a recoller botellas baleiras, Rodolfo, un pintor albanés sen papeis, e Schaunard, un compositor irlandés. Os tres intentan sobrevivir á súa mala situación económica axudándose mutuamente.