«Galicia sabe amar» en Bueu

A Praza Massó de Bueu acollerá este xoves, 26 de setembro, unha das foodtrucks do programa «GALICIA SABE AMAR» da Xunta de Galicia. As persoas que se acheguen poderán degustar petiscos elaborados con produtos certificados do mar e da terra, en horario de 12.00 a 15.00, e de 18.00 a 21.00 horas.

GALICIA SABE AMAR é unha campaña da Xunta de Galicia que nace no verán de 2021 para animar á cidadanía a través da retranca galega e os dobres sentidos a consumir a consumir produtos do mar, impulsar a súa venda e poñer en valor o labor dos profesionais da pesca e do marisqueo.