Festa Ermelo 2024

O Concello de Bueu organiza o 25 de xullo a Festa de Ermelo, que se celebrará na contorna da igrexa. Os actos arrancarán ás 12 horas coa actuación de Retrouso de Cela, seguida dos oficios relixiosos. Pola tarde, a partir das 18.30 horas, actuará a Cantadela de Meiro e Palleta Mollada, e a verbena será pola noite coa orquestra Distrito 7.

Ademais dos actos no propio 25 de xullo, o 24 haberá unha ruta de sendeirismo pola aldea de Ermelo, para a que é preciso inscrición previa na Oficina de Turismo, e o 26 haberá oficios relixiosos na honra de Santa Ana.