Curso de formación en competencias dixitais

O 15 de setembro arrancará en Bueu un curso de formación en competencias dixitais de nivel intermedio, no que se agasallará un equipo informático a todo o alumnado que supere o itinerario. A actividade, que ten unha duración de dous meses, está organizada por Dixigal e conta coa colaboración da Xunta de Galicia e do Concello de Bueu.

A formación desenvolverase de luns a venres entre as 9:00 e as 14:00 horas na Biblioteca Torrente Ballester. O 11 de setembro haberá unha reunión ás 10.30 horas na Biblioteca para explicar o desenvolvemento.

As persoas que desexen participar terán que estar inscritas como demandantes de emprego no SEPE.

Máis información no teléfono 654825395 ou no enderezo electrónico dixigal@bigformacion.com