Agora en Bueu
Imáxes de actualidade
🐙 XORNADAS DE EXALTACIÓN DO POLBO DE BUEU 🐙
O Concello de Bueu, coa colaboración da Confraría de Pescadores San Martiño de Bueu e a hostalaría da vila, promove as “Xornadas de Exaltación do Polbo de Bueu”, un evento gastronómico e de promoción do produto local que se celebrará do 26 de abril ao 5 de maio e no que participarán trece establecementos culinarios.
Ao longo desa semana, as persoas que se acheguen poderán gozar de arredor dunha vintena de especialidades elaboradas polos restaurantes da vila co polbo como protagonista, dende o tradicional ‘polbo á feira’ ata propostas máis innovadoras.
Na nosa web tedes o programa e toda a info (ligazón na BIO)
Abr 23
🤩 Onte tivemos un "Menú máxico de contos" con Cris de Caldas para culminar o programa "Ler conta moito".
Pequen@s e maiores puideron gozar deste contacontos na Sala Multiusos do Centro Social do Mar, onde houbo adiviñas e roliños de poesía con salsa agridoce, contos diversamente necesarios e outros contados a baixa temperatura.
Abr 23
📣📚 XOSÉ LUÍS MOSQUERA CAMBA E LOIS PÉREZ DÍAZ, GAÑADORES DOS PREMIOS JOHAN CARBALLEIRA
Xosé Luís Mosquera e Lois Pérez Díaz son os gañadores dos Premios Johan Carballeira convocados polo Concello de Bueu. Os xurados, reunidos este luns pola tarde, acordaron conceder o premio na categoría de poesía a Xosé Luís Mosquera coa obra "Trece maneiras de mirar un almanaque"; e a Lois Pérez Díaz coa reportaxe ‘Eloxio do apenovismo’, publicada orixinalmente na revista Luzes.
PARABÉNS!!
Abr 23
☑️ Inma Soto e "Xela, a superheroína de aldea” visitaron este xoves a Biblioteca Municipal de Beluso para deleitar a pequen@s e maiores cunha historia de amor á natureza e ao coidado dos nosos recursos.
☑️ Esta actividade insírese no programa "Ler conta moito" de posta en valor das bibliotecas municipais.
☑️ O luns continuamos co "Menú máxico de contos" de Cris de Caldas, do que poderedes gozar ás 18 horas na Sala Multiusos do Centro Social do Mar.
Abr 19
📣🕹️ Ghallufadas
Xa están as Ghallufadas funcionando nas salas da Piscina Municipal de As Lagoas.
Esta mañá pasaron xa varios grupos de alumnado do CEIP Plurilingüe A Pedra, e xa estiveron xogando cos diversos xogos.
Se vos animades a asistir, lembramos que o evento estará activo durante toda a fin de semana, con charlas e outras actividades para pequen@s e maiores.
📜 Tedes a programación na nosa web e nas historias.
Abr 19
Na memoria de Johan Carballeira...
Este mércores, 17 de abril, lembramos a Johan Carballeira no 87º aniversario do seu fusilamento.
Xunta o monumento na súa honra organizamos, canda a Asociación Amigos de Johan Carballeira, unha ofrenda floral. No acto interviron Manuel A. Mosteiro e Xosé Novas, dende este colectivo, e Carmen García, concelleira de cultura.
No acto reivindouse a memoria de Johan Carballeira e de todas as persoas represaliadas polo fascismo, e tamén se lembrou de forma especial aos dous veciños de Bueu falecidos no campo de concentración de Mauthausen- Gusen, José Ferradás Pastoriza, e Manuel Rey Cruz.
O sábado seguiremos coa memoria, cunha charla de Montse Fajardo que poderedes ver no Centro Social do Mar ás 12 horas e na que se falará sobre a represión exercida contra as mulleres no franquismo.
Abr 18
📣🎨📌 FESTIVAL ARTÍSTICO E SOLIDARIO `ART FOR CHANGE`
☑️ A vila de Bueu vivirá o próximo sábado, 27 de abril, un día ateigado de ciencia e arte, pois o IES Johan Carballeira e o Concello de Bueu promoven o III Festival Artístico Solidario ‘Art for Change’, no que colabora toda a comunidade educativa, as asociacións de nais e pais da vila, os centros educativos e diversos colectivos da comarca.
☑️ Ao longo de toda a xornada estenderanse na Biblioteca Municipal Torrente Ballester e no Parque Ramal dos Galos as actividades a través das cales se achegará a ciencia e a arte aos diversos sectores da cidadanía, e coas que tamén se recadarán fondos para as asociacións Amencer de Pontevedra, dedicada á parálise cerebral, e A Illa dos Ratos de Cangas, que organizan rutas pola contorna.
☑️ Este xoves celebrouse no Parque Ramal dos Galos a rolda de prensa de presentación do evento, na que participaron alumnas de 4º de ESO do IES Johan Carballeira, as direccións dos centros educativos da vila, representantes das anpas, Carmen García, concelleira de cultura, e Alberto Moital, edil de patrimonio.
Na nosa web contámosvos todos os detalles (Ligazón na BIO)
Abr 18
📣📍 Cambio de ubicación das Ghallufadas!
☑️ Esta fin de semana celebramos en Bueu unha nova edición das Ghallufadas, o evento de promoción dos xogos de mesa e de rol e no que teremos unha ampla variedade de propostas e de charlas.
☑️ O evento estaba previsto que se celebrase na Biblioteca Municipal Torrente Ballester, onde finalmente non poderá ser dado que o Concello non dispón aínda da entrega das obras. Polo tanto, trasladarémonos ás salas da Piscina Municipal de As Lagoas.
Podedes ver o programa e toda a información na nosa web (ligazón na BIO)
Abr 17
🌳📚 Contacontos con Anxo Moure na Biblioteca de Cela
☑️ Este martes iniciamos na Biblioteca de Cela o programa "Ler conta moito" e fixémolo cun contacontos moi especial no que Anxo Moure deleitou á cativada con historias arredor dos bosques, da natureza e das bibliotecas.
☑️ Combinando a tradición co poder evocador da palabra, Moure tamén cantou pezas inspiradas en poemas de Rosaría de Castro ou Eduardo Pondal, entre outros moitos.
☑️ O programa continuará este xoves co contacontos "Xela, a superheroína de aldea" de Inma Soto, que poderedes vela ás 18 horas na Biblioteca Municipal de Beluso.
Abr 17
☑️ O salón de plenos da Casa Consistorial de Bueu foi o escenario este venres dun pleno especial protagonizado por cincuenta e un rapaces e rapazas do CEIP Plurilingüe A Pedra de Bueu.
☑️ Alí coñeceron o funcionamento do Concello e dos órganos de goberno como o pleno, nun acto no que participaron o alcalde, Félix Juncal, e outros concelleiros e concelleiras do goberno, como Silvia Carballo, Carmen García e Xosé Leal.
Propuxeron cousiñas moi interesantes para a vila.
Queredes velas?
Na nosa web deixámosvos toda a info (Ligazón na BIO).
Abr 12
📣🕹️ Volvemos coas Ghallufadas!
Debido ao gran éxito colleitado o ano pasado, o Concello de Bueu organiza novamente as xornadas Ghallufadas, que servirán de escaparate para os xogos de rol durante a fin de semana do 19 ao 21 de abril na Biblioteca Torrente Ballester de Bueu, un espazo recentemente rehabilitado e ao que o goberno local quere dar un impulso con novas propostas.
Carmen García, concelleira de cultura e mocidade, e Xosé Leal, edil de facenda, estiveron onte presentando o evento canda algúns participantes.
Na web tedes xa a programación completa (ligazón na BIO)
Abr 10
🎉😋 XXIV ENCONTRO - DEGUSTACIÓN DO MILLO CORVO
O lugar de Meiro, no municipio de Bueu, celebra do 5 ao 7 de abril unha das súas actividades estrela: o XXIV Encontro- Degustación do Millo Corvo, organizado pola Asociación Cultural de Meiro e o Concello de Bueu.
Este evento, nomeado Festa de Interese Turístico de Galicia, encherá a aldea bueuesa de degustacións, charlas divulgativas, obradoiros e actuacións musicais, co obxectivo de dar a coñecer este produto tan típico e con tanta tradición na zona, e cun programa para todas as idades.
Hoxe presentamos o programa e xa tedes a info na nosa web ⬇️⬇️
https://concellodebueu.gal/meiro-celebra-do-5-ao-7-de-abril-o-xxiv-encontro-degustacion-do-millo-corvo-con-propostas-para-todas-as-idades/
Mar 21
📣 RECIBIMENTO MIGUEL NUÑO
O salón de plenos do Concello de Bueu acolleu este mércores pola tarde un recibimento a Miguel Ángel Nuño Vázquez – Garza, no que se fixo entrega do primeiro toma dunha extensa obra dedicada aos Aldaos do Pazo do Casal. Alberto Moital, concelleiro de patrimonio, agradeceu esta cesión “porque xa temos un anaco máis da nosa historia con nós”.
No acto estiveron presentes concelleiros e concelleiras da corporación municipal, ademais de Belarmino Barreiro, arquiveiro, e Arturo Cidrás, investigador local.
Nuño Vázquez impartiu en Bueu o ano pasado unha conferencia relativa ós Aldaos do Pazo do Casal, froito de once anos de investigación sobre o último dos Aldaos de Bueu e o seu fillo non recoñecido legalmente que fixo que o apelido pasase de Aldao aos Nuño ….
Desa extensa obra, que abarca máis dunha decena de tomos inéditos, preparou unha adicada a este primeiro Nuño, e cuxo primeiro tomo se entregou hoxe ao Concello de Bueu para que a cidadanía que o desexe poida consultalo nas dependencias do arquivo municipio.
Mar 14
♀️ ACTOS DÍA INTERNACIONAL DAS MULLERES ♀️
☑️ O Concello de Bueu homenaxeou este venres á Asociación de Mulleres Rurais, colectivo que celebra trinta anos de vida. Coincidindo co Día Internacional das Mulleres, dende a concellaría de igualdade organizouse un acto institucional no que participaron o alcalde e concelleiras e concelleiros da corporación, ademais das propias integrantes deste colectivo de mulleres, que recibiron un cadro artístico elaborado pola Asociación Juan XXIII de Cangas.
☑️ Pero non foi o único acto organizado, senón que a Praza do Concello acolleu previamente unha concentración na que o alumnado do IES Johan Carballeira deu lectura á declaración a favor dos dereitos laborais das traballadoras.
Mar 8
♀️ 8 de marzo, DÍA INTERNACIONAL DAS MULLERES ♀️
Este 8 de marzo, e todos os días do ano, nin un paso de atrás na defensa da igualdade.
Como dicía Simone de Beauvoir “non esquezades xamais que bastará unha crise politica, económica ou relixiosa para que os dereitos das mulleres volvan ser cuestionados. Estes dereitos nunca se dan por adquiridos, así que deberedes permanecer vixilantes toda a vosa vida”.
Mar 8
🏆👨🍳 Onte vivimos un día moi especial e emocionante. Dende o Concello de Bueu e a Asociación de Hostalaría da vila rendémoslle homenaxe á cociñeira Toñi Vicente, á que este ano adicamos as II Xornadas Gastronómicas en Feminino Bueu.
No acto institucional, celebrado no salón de plenos do Concello, Toñi Vicente dedicoulle esta homenaxe “a todas as mulleres xenerosas que nos deixaron un legado”. Ademais, destacou que “a cociña é coñecemento, amor e sentimento, e os aromas das comidas das nosas avoas permanece na nosa memoria”.
Despois, e en colaboración coa Libraría Miranda, estivo na Praza de Abastos para presentar o libro "A miña cociña".
Mar 8
