Agora en Bueu
Imáxes de actualidade
📣 OPERATIVO ALERTA LARANXA POR CHUVIAS
O Concello de Bueu prepárase dende primeira hora desta mañá para as fortes chuvias que se prevén este mércores e xoves debido á alerta laranxa activada.
Félix Juncal, alcalde da vila, convocou hoxe unha reunión na que estiveron presentes tamén Isabel Quintás, tenente de alcaldesa, o capataz municipal, e a xefa do servizo de FCC Aqualia, con vistas a organizar o operativo para as próximas horas, e que actuará en varias frontes críticas e con cuestións que se activaron en anos anteriores, como é o caso do levantamento de tapas e sumidoiros e a colocación ao lado dos mesmos duns sacos de area para sinalizalos.
👆 Toda a información na nosa web (ligazón na BIO)
Sep 24
💻📧 OBRADOIROS DE COMPETENCIAS DIXITAIS PARA MULLERES
O Concello de Bueu e a Fundación Esplai, co financiamento da Consellería de Política Social, comezaron a pasada semana no Centro de Información ás Mulleres (CIM) uns obradoiros de competencias dixitais básicas dirixido a mulleres, que continuará durante este mes.
Neles explicaranse temas como a xestión de arquivos e almacenamento na nube, a navegación por internet, a comunicación a través de diversas ferramentas, aplicacións para a vida diaria, seguridade na rede, redes sociais, xestións telemáticas ou a busca de traballo, entre outras moitas cuestións.
Sep 24
"Pon luz na escuridade" no Día do Alzheimer
☑️ O Concello de Bueu uniuse o pasado sábado á conmemoración do Día Mundial do Alzheimer, cunha serie de actos baixo o lema "Pon luz na escuridade".
☑️ A contorna da fonte cibernética da Praza Massó foi o escenario elixido para esa data, na que se contou coa participación activa dos dous centros de día da vila, Contigo e Pescadoira, e tamén da Asociación de Familiares de Persoas con Alzheimer do Morrazo (Afamo).
☑️ Nel, as persoas integrantes dos centros de día interviron para reflexionar arredor da pregunta Como che gustaría que se acordaran de ti?ti?””, unha proposta que nos fixo pensar sobre o poder das lembranzas e da mente. A todos e todas elas, MOITAS GRAZAS!
Xa despois leuse o manifesto conmemorativo desta data, e finalizamos co concerto do músico local Juyma Estévez, e tamén con candeas acendidas para poñer luz na escuridade.
Sep 24
📣🌿 PROGRAMA DE ACTIVIDADES MEDIOAMBIENTAIS EN CABO UDRA PARA SETEMBRO
Dado o gran éxito do verán, o Concello de Bueu continuará durante todo o mes coas actividades medioambientais en Cabo Udra, con propostas para todas as idades.
As actividades son impartidas por Alados, e contan co financiamento do GALP Ría de Pontevedra.
Bulide xa a anotarvos 👇
https://concellodebueu.gal/a-aula-da-natureza-de-cabo-udra-continua-en-setembro-coas-actividades-medioambientais/
Sep 4
📚📖 APERTURA PROVISIONAL DAS AULAS DE ESTUDO DA BIBLIOTECA MUNICIPAL TORRENTE BALLESTER
▪️ O Concello de Bueu, a través da concellaría de cultura e bibliotecas, abrirá provisionalmente a partir do 23 de setembro a Biblioteca Municipal Torrente Ballester, concretamente as aulas de estudo. Dende o consistorio habilitaranse algúns espazos das instalacións situadas no Parque Ramal dos Galos para que as persoas que o desexen poidan estudar. Así mesmo, tamén continúan abertas as bibliotecas de Cela e Beluso nun horario diferente.
▪️ Así, na Biblioteca Torrente Ballester abriranse as aulas de estudo a partir do 23 de setembro en horario de 10.00 a 13.00 e de 16.00 a 20.00 horas. Pola súa banda, en Cela, tamén a partir do 17 de setembro, o horario de apertura será os martes e xoves de 10.00 a 13.00 horas, e tamén se habilitará un servizo de préstamo por teléfono; e no caso de Beluso, a partir do 16 deste mes, a biblioteca estará aberta entre as 16.15 e as 20.00 horas, de luns a venres.
Na nosa web deixamos ligazón con toda a info 📜📜
Sep 2
🤹🤩 "Muu Crunch 2" foi o título do espectáculo co que onte gozamos a cativada e as persoas maiores nunha Praza Massó ateigada.
Esta actividade, organizada polo Concello de Bueu no marco do programa "Verán na rúa", combinou música, malabares, moita risa e ata un pouquiño de reivindicación.
Aquí vos deixamos un resumo en 📸📸
Ago 21
🤩🙋♀️ O espectáculo “Marta sempre arriba- Hoxe si!”, de Marta Iglesias, encheu onte a Praza Massó cunha gran festa de celebración da vida e da música, na que soaron grandes clásicos e tamén houbo obxectos subindo e baixando.
⏩ Esta actividade está organizada polo Concello de Bueu no marco do programa "Verán na rúa", que continuará todos os martes de agosto. O próximo será a quenda de "Muu Crunch 2", que poderedes ver ás 21 horas na Praza Massó.
Ago 14
🤩 Este martes iniciamos o programa "Verán na rúa" co espectáculo "Cirkote", grazas ao que a Praza Massó se encheu de nenos e nenas e persoas maiores que o pasaron en grande cun número emocionante e cheo de teatro, malabares e humor.
📷 Nas fotos xa se reflicte o ben que o pasou o público... a que si?
Lembrade que o programa continuará durante todo o mes de agosto. O próximo martes será a quenda de “Marta sempre arriba- Hoxe si!”, un espectáculo de Marta Iglesias no que atopamos un triángulo por espazo de xogo, obxectos que soben, baixan e flotan no aire, coa combinación de música, circo e un micro.
Ago 7
🎶🎉 RETROUSO CELEBRA 25 ANOS
☑️ Este sábado, 10 de agosto de 2024, celébrase a XIX edición do Festival Retrouso, no eirado de Cela (Bueu), a partir das 21 horas. O motivo de recuperar o formato de Festival tras da pandemia é a conmemoración dos 25 anos da Asociación Cultural Retrouso, co gallo do cal a primeira parte do evento será unha Gala especial 25 aniversario, seguida dun concerto do artista folk Xurxo Fernandes, co seu espectáculo “Levaino!”.
Carmen García, concelleira de cultura, estivo presentando o evento canda os representantes de Retrouso.
Animámosvos a tod@s a encher o sábado o Eirado. Vai ser unha gran festa!!
Toda a info na nosa web (LIGAZÓN NA BIO)
Ago 7
📣🌊 XORNADAS `O MAR POR DIANTE`
☑️ O Concello de Bueu e o grupo ‘O mar por diante’ organizan o ciclo de conferencias ‘Tempo de lecer’, que se celebrará todos os mércores de agosto ás 20.30 horas no Centro Social do Mar, e que busca poñer en valor a historia da vila así como recuperar as súas voces culturais, artísticas e literarias ao longo do tempo.
☑️ A iniciativa, que naceu hai seis anos, segue a potenciar un dos seus eixes vertebradores: a reivindicación da cultura coma un antídoto terapéutico que sande e que nos faga reflexionar dende o entendemento e o diálogo.
Tedes a info na web (LIGAZÓN NA BIO)
Ago 1
📣📽️🙋♀️ `VERÁN NA RÚA` E `CINEMA NA RÚA`
O Concello de Bueu, a través da concellaría de cultura, organiza o ‘Verán na rúa’, un proxecto con espectáculos para a cativada que incluirá diversas disciplinas como monicreques ou malabares, e tamén cinema.
As actividades de espectáculos desenvolveranse todos os martes de agosto a partir das 21 horas na Praza Massó, mentres que o cinema se irá alternando por diversos lugares das tres parroquias.
Queredes ver o programa completo?
Aquí volo deixamos 👇👇👇
https://concellodebueu.gal/o-concello-de-bueu-organiza-o-veran-na-rua-un-proxecto-de-espectaculos-e-cinema-para-a-cativada/
Jul 31
🌿🚶♀️ Así foi a ruta do pasado mércores por Ermelo.
O próximo mércores seguimos coñecendo Bueu e facémolo coa "Ruta da auga doce e salgada".
Animádesvos?
📆 Mércores, 31 de xullo
⌚ 10.30 horas
📍 Saída dende o Estaleiro de Purro
📜 Inscricións de balde na Oficina de Turismo: 986390029 (ext.5) / turismo@concellodebueu.gal
Jul 29
📣 FEIRA `BUEU NON STOCK`
⏩ O aparcadoiro de As Lagoas, na zona dos Xardíns de Urbano Lugrís, acolle esta fin de semana a cuarta edición da feira de oportunidades “Bueu non stock”, organizada pola Asociación de Comerciantes e Industriais de Bueu (ACIBU) e a Federación de Comerciantes e Industriais do Morrazo (FECIMO), coa colaboración do Concello de Bueu, a Xunta de Galicia e Abanca e que busca que o comercio de proximidade poida vender existencias e stocks de temporadas pasadas con importantes descontos e a prezos moi atractivos.
⏩ Precisamente, esta mañá tivo lugar a inauguración oficial do evento e as autoridades locais e autonómicas participaron nunha pequena visita polos comercios.
⏩Félix Juncal, alcalde da vila, destacou que “esta feira é un bo escaparate para todo o tecido comercial de proximidade” e animou a toda a veciñanza a achegarse.
Jul 26
